Рубрикатор

Их знает вся Россия Орданьбуень дипломат
Орданьбуень дипломат

 

(СССР-нь МИД-нь 1-це классонь советникенть, дипломатонть, Орданьбуе велесэ

чачозенть Сульдин Василий Андреевичень чачома чистэнзэ саезь 100 иетненень)

Тиринь мода… Сонензэ вечкемась вети ломаненть пингензэ перть, панжи сонзэ обуцянзо ды ёрокчинзэ, лезды печтямс стакачитнень ды топавтомс ине тевть. Юты шкась, ансяк ледстнемась сетнеде, кить эрямост алтызь Отечествантень, ломантненень служамонтень, карми эрямо пингеде-пингес. Эйкакшпорасто саезь ломанесь мари прянзо эсь семиянь, раськень, тиринь масторонь пельксэкс. Ине ломантнень эрямост ды тевдеемаст тонавтнемась канды покш путовкс патриотической воспитаниясонть.

Мордовиясь казсь Россиянтень ламо ине ломанть. Масторлангонь келес теизь содавиксэкс эсь вишка тиринь ёнксост скульпторось Степан Эрьзя, содавикс врачось-офтальмологось, академикесь Владимир Филатов, Рузонь Православной Церьковань реформаторось, патриархось Никон.

Эрьва районсонть, эрьва велесэнть ульнесть эли улить ломанть, конатнень кувалма мельспаросо аштить тосонь эрицятне. Минек районсо чачозтнень ютксто вейкесь – СУЛЬДИН Василий Андреевич, дипломатось, СССР-нь Омбо масторонь тевень министерствань 1-це классонь советникесь.

1917 иень апрелень 6-це чистэ Симбирской губерниянь Алатырской уездэнь Орданьбуе велесэ Андрей Николаевич ды Василиса Степановна Сульдинтнэнь сокицянь-видицянь семиясонть чачсь Василий цёраст. Семиясь ульнесь ламо эйкакшонь трицякс, Василийде башка, эште колмо тейтерть ды вейке цёра.

1917 иень революциядонть мейле Орданьбуе велесэнть панжовсь ниле классонь школа. 1923-24 тонавтнема иестэнть велентень сась од тонавтыця – Карасев Иван Иванович. Эйкакштнеде ламольть, секс школась важодсь кавто сменасо. Василий ульнесь Иван Ивановичень васенце тонавтницятнестэ вейкекс, самай сон вельмевтизе эйкакшонть эйсэ содамочинтень вечкеманть. 1926 иестэ велесэнть строязель од школа, конаньсэ ульнесть кавто класст. Василий прядынзе Орданьбуень начальной школань ниле класстнэнь. Мейле тонавтнеманзо поладызе Дубенка велень сисем иень школасонть ды ульнесь покш мелезэ алтамс прянть образованиянтень.

1935 иестэ Василий Андреевич прядызе Саранскоень педагогической техникумонть. Ды ушодызе эсь педагогической тевдееманзо Дубенка ёнксонь Поводелесэ.

1937 иестэ Василий Андреевич кармась тонавтнеме Ленинградонь А.И.Герцен лемсэ педагогической институтсо, конань пек парсте прядызе 1941 иень июнень 26-це чистэ. Сонензэ максозель географиянь тонавтыцянь

квалификациясь. Тонавтнема шкастонть Василий Андреевич кавто иеть важодсь тонавтыцякс Куйбышевань райононь 13-це средней школасо.

1941 иень июнень 22-це чистэ ушодовсь Ине Отечественной войнась. Сульдин Василий Андреевич 1941 иень июлень 14-це чистэ саезь декабрянь 1-це чис ульнесь Якстере Армиянь воздушной наблюдениянь, оповещаниянь ды связень военной училищань курсантокс. Шумбрачинь коряс врачебной комиссиясь ловизе а маштовиксэкс военной службав, ды сон ильтязель кудов.

1942 иень январьстэ Василий Андреевич велявтсь тиринь велев ды кармась роботамо Дубенкань средней школасо географиянь тонавтыцякс. 1942 иень августсто саезь 1943 иень ноябряс важодсь те школанть директорокс. 1943 иень ноябрясто Василий Андреевичень таго тердизь действующей армияв. 61 транспортной ротанть составсо Сульдин ефрейторось пачкодсь Кёнигсбергс. Маляриясо сэредемадонть мейле сон демобилизовазель Ленинградов, косо 1945 иень ноябрясто саезь 1946 иень сентябряс роботась Ленинградонь областень Фрунзенской райононь цёрань школасо директорокс. Войнань иетнестэ невтезь мужестванть ды героизманть кис Василий Андреевич казезь «За победу над Германией в Великой Отечественной войне 1941-1945 гг.» медальсэ ды Отечественной войнань омбоце степенень орденсэ.

1946 иень июнень 22-це чистэ Василий Андреевич урьвакстсь Анастасия Фёдоровна Фалько лангс. Кодамояк свадьба арасель. Од ломантне мольсть ЗАГС-ов, сёрмадстызь пряст, секретаресь ёвтась тенст поздоровт, макссь венчамодо-урьвакстомадо документ, ды весе. Истя масторсонть чачсь эштё вейке семия. Анастасия Фёдоровна фронтов саезель 1942 иень июлень 26-це чистэ. Старшей сержантось Фалько служась взводонь командирэкс ды службасто олякстомтозель 1945 иень февралень 15-це чистэ. Сынь пингест перть эрясть вечкезь ды вейке-вейкень чарькодезь.

1946 иень сентябрясто партийной наборонь коряс Сульдин Василий Андреевич кучозель тонавтнеме СССР-нь Омбо масторонь тевень министерствань Высшей дипломатической школав западной факультетэнть коряс, конань пек парсте прядызе 1948 иестэ. Теде мейле Василий Андреевич кучозель роботамо СССР-нь МИД-нь 3-це Европейской отделэнь атташекс. Кучозель ГДР-в, косо важодсь 12 иеть. Теде мейле кавто иеть роботась Австриясо, мейле кемень иеть – ФРГ-сэ ды ниле иеть – Чехословакиясо.

Василий Андреевич весемезэ 30 иеть важодсь СССР-нь Омбо масторонь тевень министерствасо, сеедьстэ ардтнесь командировкав омбо масторов. Козяйказо, Анастасия Фёдоровна, истя жо тевтеме эзь аште, важодсь эрьва кодамо организациясо.

Василий Андреевич ды Анастасия Фёдоровна трясть-кастсть колмо эйкакшт, весенень макссть высшей образования: Вячеслав Васильевич – экономист, Елена Васильевна ды Андрей Васильевич – журналистт.

1980 иестэ Сульдин Василий Андреевич лиссь пенсияв. Важодсь эрьва кодамо организациясо, топавтсь общественной робота. Кулось 2007 иень

январень 3-це чистэ, калмазь Москов ошсо. Анастасия Фёдоровнанень арсетяно шумбрачи ды кувака пинге.

И.НАУМКИНА,

«Ардатовская СОШ» МГОУ-нь историянь тонавтыця.

 

 

Новости

Повышение уровня занятости на селе – один из приоритетов «Единой России»
На XVIII Съезде «Единая Россия» предложила дать возможность расширения
рынков сбыта для личных подсобных хозяйств (ЛПХ).
 В рамках обсуждения на дискуссионной площадке XVIII Съезда Партии, 
посвященной вопросам сельского хозяйства, было предложено дать 
возможность применения добровольной патентной системы 
налогообложения для крупных личных подсобных хозяйств (ЛПХ). Тех, что 
намеренны выйти на более широкие рынки сбыта, нежели фермерские 
ярмарки.  «Но для этого им сейчас нужно оформляться в качестве 
фермерского хозяйства или индивидуального предпринимателя. Это уже 
другая отчетность и налогообложение.  подача деклараций и заполнение 
нескольких видов отчетностей. Мы предлагаем дать  возможность 
владельцам ЛПХ, которые этого захотят, приобрести патент. Если у вас есть 
личное подсобное хозяйство, вы реализуете излишки, и не планируете 
выходить на уровень более широкой торговой деятельности, то и 
приобретать патент не нужно», - пояснил заместитель Председателя
Госдумы, руководитель фракции «Единая Россия» Сергей Неверов.
Подробнее ...
 
Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...
 
Партийцы ждут от Съезда конструктивных дискуссий

  - Именно в первый день  XVIII  Съезда Партии, который пройдет  7-8 декабря в Москве, состоится работа трех дискуссионных площадок «Обновление», «Открытость», «Партия и выборы», на которых мы сможем обсудить свои предложения и принять  решения, действительно позволяющие   наладить более эффективную и открытую работу партийных структур», -  сказал секретарь  Регионального отделения  «Единой России», Председатель Государственного Собрания республики Владимир Чибиркин.

Подробнее ...