Рубрикатор

Их знает вся Россия КИЯК АПАК СТУВТО, МЕЗЕЯК АПАК СТУВТО!
КИЯК АПАК СТУВТО, МЕЗЕЯК АПАК СТУВТО!

 

Маень 9-це чинть каршо Ине Отечественной войнань темась пек талновтыця. Те Ине Изнямонь чись свал карми седейсэнек ды миненек эряви теемс весементь, штобу сон а стувтоволь эйкакшонок ды нуцьканок туртовгак. Саранскоень 30-це школань 1-це Б классонь тонавтницятне классонь прявтонть Валентина Дмитриевна Куркина марто маень 9-це чиденть икеле анокстасть газета, конанть сынь лемдизь «Минек «Бессмертной полкось». Те газетасонть тонавтницятне евтнесть эсест покштяст ланга, конатнень сынь овсе а содасызь, ды конатне максызь шумбрачист ды эрямост вишка правнуцькаст кисэ. Нама, газетанть пурныцятне – тонавтницятнень тетятне-аватне ды покштятне-бабатне, конатне аламонь-аламонь пурнасть информация эсест малавиксэст, Ине Отечественной войнань участниктнень ланга. Савсь кевкстнемс роднятнень-раськетнень, вешнемс кодаткак документт интернетстэ «Память народа» ды «Подвиг народа» сайттнэстэ. Стака ульнесь муемс покштятнень фотографияст, эдь кой-конатне кулость 40 иеде теде икеле. Ялатеке газетась удалась. Пек берянь, эйзэнзэ эсь покштядост евтнемат кандсть ансяк ниле тонавтницят. Паряк, сыця иетнестэ, те плакатонть неезь, тетятне-аватне седе сыргозить ды паморьксэнь-паморькс вешнесызь эсь раськень ветерантнэнь историяст. Течи минь ёвтнетяно неть ломантнеде, конатне эсь прянь апак жаля 1941-1945 иетнестэ тюрсть фашисттнэнь каршо.

Максим Девятовнень Василий Петрович Тикшайкин сави покштянзо тетякс (рузокс «прадедушка»). Сон чачсь 1923 иестэ Отяжеле ёнксонь Сабанцеле велесэ. Войнав саезель Отяжелень райвоенкоматсто 1942 иень июнень 2-це чистэ. Якстереармеец. Од боецэнть ялганзо марто ильтизь Удмуртиянь Можга ошов ледницякс тонавтнеме. Мейле сынст полконть кучизь Ленинградонь фронтов ледницянь 22-це полков стрелоконь 92 дивизиянь 6-це ротань ледницякс. Сон печтизе солдатокс весе блокаданть ды се шкань вачочинть. 1944 иестэ ранязель вить пильгс ды ильтязель лецямо Ростов ёнксонь 1385 № эвакогоспиталев. Тосо ловозель инвалидэкс ды кучозель кудов. 1943 иень сентябрянь 5-це чистэ казезель «За оборону Ленинграда» медальсэ ды Верховной Главнокомандующеенть И.В.Сталинэнь пельде Сюкпрянь сёрмасо. Войнадо мейле важодсь тиринь велесэ кладовщикекс. Нинзэ, Анна Кузьминична, марто трясть-кастасть 4 эйкакшт. Войнасо ранямотне эзть максо Василий Петровичнень эрямс куватьс ды сон кулось 50 иесэ. Василий Петровичень эзть ванстово фронтонь шкань фотографиянзо ды паряк арасель шкаяк тосо снимавтнемс, секскак сонзэ нуцьканзо фотошопонть вельде тейсть тензэ солдатонь гимнастеркасо фотография. Те снимканть марто Ине Отечественной войнасонть Изнямонть тешкстамсто 2015 ды 2016 иень маень 9-це чистэ сонзэ нуцьканзо ды правнуцьканзо ютасть Саранск ошонь ульцятнева «Бессмертный полконть» марто вейсэ.

Василий Степанович Исламкин сави Олег Бусаргиннэнь прадедакс. Чачсь сон Мордовиянь Дубенка ёнксонь Морга велес 1922 иестэ. 1942 иень мартсто саезель ледницянь 150 полкс, должностезэ – стрелок. 1944 иень майстэ саезь 1945 иень февральс служась автомобилень 364-це паксянь складсо ледницякс. 1945 иень январень 18-це чистэ ранязель лавтовс ды пекс. Ильтязель лецямо госпиталев. Мейле велявтсь тиринь велев ды тосо важодсь 30 иеть стадань ваныцякс. Казезель Георгий Жуковонь медальсэ, 1943 иестэ «За боевые заслуги» орденсэ, 2 степенень Отечественной войнань орденсэ, зярыя медальсэ ды юбилеень казнесэ. Нинзэ, Екатерина Сергеевна, марто трясть-кастасть 7 эйкакшт ды эрясть вейсэ 63 иеть. Кулось Василий Степанович 2010 иестэ.

Александр Иванович Саданов Артем Кожевниковонь сырькаензэ тетязо. Сон чачсь 1907 иестэ Пензань губерниянь Саранскоень уездэнь Покш Вьяс велесэ. Ульнесь Ине Отечественной войнасо 1941 иень июльстэ саезь 1945 иень майс. Тюрсь ледницянь 809 полксо ды НКВД-нь 26-це погранотрядсо. Войнав тусь Полтавасто, тосо васенцеде ранязель. Госпитальсэ лецямодо мейле таго тусь фронтов. Воевась Керчсэ. Минек армиясь кадызе ошонть ды ранязь Александр Иванович колмо якстреармеец марто тейсть плот ды уизь Керчень проливенть. Садановонь ускизь госпиталев, косто сон таго велявтсь погранотрядов ды тюрсь Орджоникидзе (ней Владикавказ), Одесса оштнень кисэ. Казезель «За оборону Крыма» медальсэ. Погранотрядсо ванстась иневедень границят 1946 иень майс. Войнадо мейле важодсь «Победа» колхозсо. Кулось 1977 иестэ.

Вероника Самарцевань покштянзо тетязо Ефрем Абрамович Возисов чачсь 1917 иестэ. 1941 иень октябрясто саезь тусь фронтов, тюрсь Московонть кисэ. Ютызе малав весе войнанть. 1941 иень октябрясто саезь 1943 иень майс тюрсь ледницянь 360 дивизиясо, мейле 1944 иень августс танконь истребителень бригадань 17 отделениясо, седе тов 1946 иень июньс истребителень 47 бригадасо. 9 маенть вастызе Кенигсбергсэ. Демобилизовазь 1946 иень июнень 7-це чистэ. Войнань шкасто казезель колмо медальсэ: 1943 иестэ «За отвагу» (тюреманть шкасто усксесь паксянтень ламо боеприпаст), 1945 иестэ таго «За отвагу» (тюремань паксястонть эсь машинасонзо ливтсь 29 ранязь боецт) ды «За победу над Германией в Великой Отечественной войне 1941-1945гг.». Войнадо мейле роботась шоферокс. Паро важодемань кисэ 1971 иень майстэ казезель «Знак Почета» орденсэ. Кулось 1975 иестэ.

 

Марина Девятова

 

Новости

Турчак: Власти компенсируют гражданам затраты на покупку приставок для цифрового ТВ

Правительство РФ и региональные власти предусмотрели исчерпывающий набор компенсирующих мероприятий при переходе с аналогового на цифровое телевещание для малозащищенных слоев населения. Также в региональных бюджетах предусмотрены денежные компенсации или закупка необходимого оборудования. Совет по развитию цифровой экономики при Совете Федерации представит на ПМЭФ-2019 свой рейтинг цифровизации регионов и предложит механизм поддержки лучших региональных практик. Об этом заявил вице-спикер Совета Федерации, секретарь Генерального совета «Единой России» Андрей Турчак по итогам второго заседания Совета по развитию цифровой экономики в Новосибирске.

Подробнее ...
 
Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...
 
Партийцы ждут от Съезда конструктивных дискуссий

  - Именно в первый день  XVIII  Съезда Партии, который пройдет  7-8 декабря в Москве, состоится работа трех дискуссионных площадок «Обновление», «Открытость», «Партия и выборы», на которых мы сможем обсудить свои предложения и принять  решения, действительно позволяющие   наладить более эффективную и открытую работу партийных структур», -  сказал секретарь  Регионального отделения  «Единой России», Председатель Государственного Собрания республики Владимир Чибиркин.

Подробнее ...