Рубрикатор

Их знает вся Россия Тензэ мерильть "Штурма"
Тензэ мерильть "Штурма"

 

 

Советской Союзонь Маршалось, содавикс военачальникесь, кавксть Советской Союзонь Героесь Василий Иванович Чуйков чачсь 1900 иень февралень 12-це чистэнть Москов алксонь Серебряные Пруды посёлкасонть сокицянь-видицянь семиясо . Семиясост ульнесть 8 ялакст ды 4 сазорт. Вася прядынзе церьковань приходонь школань ниле класстнэнь ды 12 иесэ тусь важодеме Петроградов, теевсь шпорань мастерскоень ученикекс. 1917 иестэнть служась Кронштадтсо минёронь отрядонь юнгакс.

Якстере Армиянтень совась 1918 иестэнть, теевсь военной инструкторонь курсань курсантокс. Теке иень июльстэнть Московсо лепштясь керш эсерэнь мятеженть. Гражданской войнанть пингстэ ульнесь ледниця ротань командирнэнь лездыцякс, седе тов теевсь ледниця полконь командирнэнь лездыцякс. 1919 иестэнть Чуйков тюремстэ полавтызе ранязь командирэнть, ды те чистэнть саезь 1921 иенть прядовомс сон ульнесь полконь ветиекс. Воёвась Югонь, Востоконь ды Западонь фронттнэсэ, казезель Якстере Знамянь кавто орденсэ, сырнень чассо ды Сырнень оружиясо.

Гражданской войнанть пингстэ Чуйков ранязель нилексть: кедьс, пильгес, эштё весть пильгес ды лавтовс. 1921 иень июльстэнть саезь 1922 иень январенть видьс – 4 № боень участкань начальник, Смоленской губерниянь Велиж ошонь гарнизононь начальник, 1922 иень январьстэнть саезь – таго полконь командир. 1925 иестэнть прядызе М.В.Фрунзе лемсэ Военной академиянть, 1927 иестэнть – ледстязь Академиянь Востоконь факультетэнть. 1926 иестэнть урьвакстсь тиринь посёлкасо эриця аванть Валентина Петровна Павлова лангс.

1927 иень июльстэнть кучизь Китаев военной превс путыцякс. 1929 иень сентябрястонть аравтозель В.К.Блюхерэнь Дальневосточной армиянь Башка Краснознамённой штабонь отделэнь прявтокс. 1932 иестэнть саезь путызь разведкань коряс кемекстамонь курсань прявтокс. 1936 иестэнть прядынзе И.В.Сталин лемсэ Якстере Армиянь Военной академиянть юрсо механизациянь ды моторизациянь курсатнень. 1936 иень декабрястонть саезь – бригадань командир, 1938 иень апрель ковстонть саезь – 5-це ледниця корпусонь командир, теке жо иестэнть – Белоруссиянь военной округонь армиянь группань ветий.

1939 иень декабрястонть аравтозь 9-це армиянь ветиекс, конась тюрсь Советэнь-финнэнь войнасонть Северэнь Карелиясонть. Суомуссалминть ало те армиясь изнязель, зярдо финнэнь колмо полктне кружизь ды тапизь РККА-нь ледниця кавто дивизиятнень. 1940 иень мартстонть саезь аволь пек куватьс ульнесь Западонь башка военной округонь 4-це армиянь ветиекс. 1940-1942 иетнестэ В.И.Чуйков важоди Китайсэ Чай Кайшинь армиянть юрсо военной атташекс. Войнанть ушодовомсто рапорт марто а весть энялдсь кучомс сонзэ фронтов, окойники, кучозель Тулав, косо анокстыльть армия Сталинградов. 1942 иень сентябрянь 12-це чистэнть саезь – 62-це армиянь ветий, сонензэ мерезель куш кодамо питнесэ ванстомс Сталинградонть. Фронтонь ветийтне кемсть а пелиця, кеме, нардев генерал-лейтенантонть лангс. Чуйковонь прявтсо ветявиця армиясь идесь Сталинградонть кото ковт. Сталинградсонть Чуйков совавтызе маласо тюремань тактиканть. Минек ды немецень траншеятне аштить маладояк маласо, мезесь стакалгавты ятонь авиациянть ды артиллериянть важодемаст, конат пелить понгомс эсестсетнень лангс. Якстере Армиясь тесэ васенцеде тюрсь ошонь условиятнесэ. Чуйковонь лемензэ марто кеместэ сюлмавозь специальной штурмань группатнень чачомаст. Сынь васенцекс апак фатя совильть кудотнес ды тосто атаковильть фашисттнэнь. Седе тов те опытэсь маштовсь В.И.Чуйковнень Берлинэнть саемстэ. Астяко сонзэ лемдильть «штурма-генералокс». Чуйковонь ушмотне аволь ансяк цидярдсть немецтнень каршо тюрематнесэ, истя жо покш таликаст немецтнень тапамосояк. Сталинградонь идемась мольсь 180 чить. Вадрясто тюреманть кисэ Советской Союзонь Героень лементь таркас Чуйковнень максозель I степенень Суворовонь орденэсь. 62-це армиясь лемдезель гвардиянь 8-це армиякс, конась пек парсте воёвась Донбассонть, Днепранть, Одессанть ды лия таркатнень кис. Седе тов гвардиянь 8-це армиясь олякстомтынзе Лодзь ды Познань оштнень, саизе Одерэнь западонь берёконть. Берлинэнь операциянть теемстэ Чуйковонь гвардеецтнэ Зееловонь сэрей таркатнесэ сезизь ятонь оборонанть ды панжизь кинть немецень прявт ошонтень. Содазь, В.И.Чуйковонь командной пунктсонть 1945 иень маень 2-це чистэнть Берлинэнь гарнизононь прявтось Вейдлинг генералось тешкстызе немецень ушмонь капитуляциянть ды максызе прянзо полонс. Чуйковнень Правобережной Украинанть олякстомтоманзо ды Вислань-Одерэнь операциянть кисэ кавксть максозель Советской Союзонь Героень лемесь.

Войнанть прядовомадонзо мейле Василий Иванович лиялесь гвардиянь 8-це армиянь ветиекс, конась аштесь Германиясо. Теке жо шкастонть Чуйков ульнесь Тюрингиясо Советской военной администрациянь прявтокс. 1949 иень мартстонть аравтозель Германиясо оккупациянь ушмонь прявт ветиекс, 1953 иестэнть, Сталинэнь куломадонзо мейле, Чуйков Германиясто тердезель Киевень военной округонь ветиекс. 1960 иестэнть саезь – СССР-нь Сухопутной ушмонь Прявт ветий – СССР-нь Оборонань министрань полавтыця. Чуйковонь прявтсо ютавтовсь «Анадырь» операциясь, зярдо Куба усиянтень минек пельде ускозель оружия.

1961 иестэнть В.И. Чуйковонь аравтызь СССР-нь Гражданской оборонань васенце начальникекс.

1964 иестэнть Н.С.Хрущёв киртинзе сухопутной ушмотнень, чарькодеви, киртязель Чуйковонь Сухопутной ушмонь Прявт ветиень таркаськак. 1965 иестэнть саезь 1992 иенть видьс ульнесь Берлинэнь Почётной гражданинэкс, теке марто тензэ максозель «Волгоград ошонь Почётной гражданин» лемесь. Отставкас тусь 1972 иестэнть ды кармась СССР-нь Оборонань министерствань Генеральной инспекторонь группань генеральной инспекторокс.

Василий Иванович ветясь эряза эрямо – сеедьстэ якась ушмотнень содавтомо, кортнесь од ломантнень марто, якась училищатнева ды школатнева, сёрмадсь мемуарт. Сонзэ перанзо туртов кандовить Ине Отечественной войнадонть ледстнематне.

1981 иень июльстэнть сёрмадсь сёрма ЦК-в. «…Маряса куроксто сыця куломанть, весементь парсте чарькодезь, энялдан: куломадон мейле калмамизь Мамаевень курганонтень – Сталинградс, козонь 1942 иень сентябрянь 12-це чистэнть мон теинь командань пункт… Те таркастонть маряви Рав леень ведтнень шольнемаст, орудиятнень зэрнемаст ды Сталинград ошонь руинатнеде сэредьксэсь, тосо калмазь тёжат боецт, конатнень ветиекс ульнинь мон…»

Василий Иванович Чуйков кулось 1982 иень мартонь 18-це чистэнть. Мелензэ коряс калмазь Волгоградс, «Родина-мать» Мамаевень курганонь монументэнть алов, косо калмазь сонзэ армиянь воинтнэ, конат маштовсть Сталинградонь тюремасонть. Василий Ивановичень калмамо лисекшнесь весе ошось. Текень кувалт ловови Советской Союзонь вейкине Маршалокс, конась калмазь Московонь томбале.

 

 

 

Новости

В «Единой России» разместят на «Карте доступности» данные о кинотеатрах, оборудованных для людей с ОВЗ
Активисты партийного проекта «Единой России» «Единая страна – доступная среда»
разместят на созданном в рамках партпроекта портале для маломобильных групп населения
«Карта доступности» (kartadostupnosti.ru) информацию о кинозалах, оборудованных для
людей с ограниченными возможностями здоровья. Данные о них будут получены по итогам
мониторинга, который пройдет в июне. Об этом сообщил координатор партпроекта,
заместитель председателя комитета Госдумы по труду, социальной политике и делам
ветеранов Михаил Терентьев.
Подробнее ...
 
Госдума единогласно приняла в первом чтении поправки Турчака в закон о местном самоуправлении
Государственная Дума единогласно (397 депутатов – «за», против и 
воздержавшихся не было) приняла в первом чтении поправки в статью 40 ФЗ
«Об общих принципах организации местного самоуправления в Российской 
Федерации», которые 3 апреля внес вице-спикер Совета Федерации, 
секретарь Генерального совета «Единой России» Андрей Турчак.
Подробнее ...
 
Партийцы Мордовии совместно с минсельхозом обсудили проект Госпрограммы комплексного развития сельских территорий на 2020-2025 года
 

21 мая 2019 в  Воронеже состоится форум «Единой России», посвященный российскому селу. В преддверии  форума 13 мая партийцы республики совместно с министерством сельского хозяйства и продовольствия РМ провели «круглый стол», посвященный путям решения проблем российского села.

На «круглом столе» под председательством  первого заместителя министра сельского хозяйства и продовольствия Республики Мордовия Юрия Голова были обсуждены вопросы разработки муниципальных программ комплексного развития сельских территорий на период до 2025 года.

Подробнее ...
 
Представители «Единой России» в рамках всероссийской акции по озеленению городов высадят 3 млн деревьев
В рамках всероссийской акции партийного проекта «Единой России» «Чистая страна» по
озеленению городов с мая по октябрь будет высажено около 3 млн деревьев. Так, на майских
праздниках в 36 субъектах РФ будет высажено более 1 млн деревьев. В акции примут участие
депутаты всех уровней от «Единой России». Об этом сообщил координатор партийного
проекта, председатель комитета Государственной Думы по экологии и охране окружающей
среды Владимир Бурматов.
Подробнее ...
 
В Саранске состоялся турнир по боевому самбо на призы МРО Партии «Единая Россия»
Сегодня, 11 мая, состоялся турнир по боевому самбо на призы
Мордовского регионального отделения Партии «Единая Россия».
Открывая соревнования, заместитель Руководителя Мордовского
регионального исполнительного комитета Партии «Единая Россия»
Сергей Губарев отметил, что региональное отделение Партии
ежегодно выступает организатором спортивных турниров по разным
видам спорта и активно поддерживает развитие спорта в республике.
Подробнее ...