Рубрикатор

Их знает вся Россия Ленинградонь блокаданть сезизь Говоровонь ушмотне
Ленинградонь блокаданть сезизь Говоровонь ушмотне

сезизь Говоровонь ушмотнеСоветской Союзонь Маршалось, Советской Союзонь Героесь Леонид Александрович Говоров чачсь 1897 иень февралень 22-це чистэ Вяткань губерниянь Яранень уездэнь Бутырки велесэ сокицянь-видицянь семиясо. Тетязо – Говоров Александр Григорьевич – важодсь бурлакокс, матросокс купецтнень Стахеевтнень пароходонь компаниясонть, Елабугасо реальной училищань сёрмань кандтницякс. Авазо – Говорова Мария Александровна – кудосо важодицяль. Леонид ульнесь ниле цёратнестэ веженсь цёракс. Велень школанть прядомадонзо мейле Леонид Говоров поступась Елабугань реальной училищас, конань паро отметка марто прядызе 1916 иестэнть, ды сыргась тонавтнеме Петроградонь политехнической институтов. 1916 иень декабрястонть мобилизовизь армияв ды кучизь тонавтнеме Константиновань артиллериянь училищав, конань прядомадонзо мейле, 1917 иень июньстэнть, ютавтозель подпоручикекс ды аравтозель мортирной батареянь младшей офицерэкс. 1918 иень мартстонть демобилизовазель ды велявтсь Елабугав тетянзо-аванзо туртов, косо кармась важодеме кооперациясо.

1918 иестэнть, зярдо Елабугантень совасть Колчаконь часттне, Говоров подпоручикенть саизь Ашо армиянтень, 1919 иестэнть саезь совсесь Западонь армиянтень. Говоров воёвась Колчаконь ало, участвовась Уфань, Златоустонь, Челябань ды Тоболонь тюрематнесэ. 1919 иень ноябрястонть Говоров зярыя солдатт марто вейсэ кадызе частенть ды сыргась Томскоев, косо тюриця дружинанть юрсо примась участия ашо власттнень каршо восстаниясонть. 1919 иень декабрянь 22-це чистэнть Томскоесь ютась РККА-нть кедензэ алов, ды 1920 иень январьстэнть Говоров совась В.К.Блюхерэнь прявтсо стрелковой 51-це дивизиянтень, косо аравтозель артиллериянь дивизиононь командирэкс. Дивизионось А.И.Корк ветиенть прявтсо тюрсь Врангель генералонть армиянзо каршо. 1920 иестэнть Говоров кавксть ранязель: август ковстонть Серогозы веленть ало Каховка районсонть ранязель пильгес, сентябрястонть жо Антоновканть ало – кедьс. Апелемачинзэ ды парсте тюреманзо кисэ 1921 иестэнть Говоров казезель Якстере Знамянь орденсэ.

1923 иень апрельстэнть Говоровонь аравтызь Перекопской 51-це стрелковой дивизиянь артиллериянь прявтокс. 1925 иень ушодовомантень ашти артиллериянь полконь ветиень таркасонть. 1936 иенть видьс аравтозель Киевень военной округонь 14-це ды 15-це стрелковой корпустнэнь артиллериянь начальникекс, укреплённой райононь артиллериянь ветиекс ды истя седе тов. Теде башка, сон ламо тонавтни. 1926 иестэнть прядынзе командной составонь Артиллериянь курсатнень. 1930 иестэнть прядынзе М.В.Фрунзе лемсэ Военной академиянь Высшей академической курсатнень, 1933 иестэнть заочна прядынзе те академиянь курсатнень, тонавтни сонзэ оперативной факультетсэнть. Эсензэ вийсэ немецень келенть тонавтнемадонзо мейле, макссь экзамент военной переводчикекс улемга. 1936 иень февралень 5-це чистэнть Говоровнень максозель «комбриг» лемесь. Теке жо иестэнть – Генштабонь Академиянь кунсолыця. 1940 иестэнть аравтозель 7-це армиянь артиллериянь штабонь прявтокс, конась воёвась Финляндиянть каршо. Маннергеймень линиянть сеземанзо кисэ Говоров казезель Якстере Тештень орденсэнть ды максозельть тензэ «комдив», зярыя шкань ютазь – «генерал-майор» лемтне.

Войнанть ушодовомсто воёви Западонь фронтсонть. Октябрянь 18-це чистэнть Жуковонь вешеманзо кувалт Говоровонь аравтызь 5-це общевойсковой армиянь ветиекс, конась ветясь покш тюремат Можайскоенть ало. Ноябрянть ушодовомсто 5-це армиясь Московонть ало организовась кеме оборона, лездась анокстамс вийть контрнаступлениянть туртов. Ноябрянь 9-це чистэнть Говоровнень максозель «артиллериянь генерал-лейтенант» лемесь, чинь ютазь, ноябрянь 10-це чистэнть, казезель Ленинэнь орденэсь. 1942 иень январень 2-це чистэнть Москов ало контрнаступлениянтень покш путовксонть кисэ Говоров казезель Ленинэнь омбоце орденсэнть. Апрель ковстонть Л.А.Говоровонь госпитализировизь аппендицит марто.

Май ковстонть примазель партияс. Июньстэнть одов теезель Волховонь фронтось, козонь ветиекс аравтозель Говоров. Малав колмо ковт фронтось анокстась Синявинской наступательной операциянтень, конань целезэль сеземс Ленинградонь блокаданть ды деблокировамс «Север» армиятнень группанть. Сентябрястонть чарькодезель, вийтне блокадань сеземантень а сатыть. Октябрянь прядовомстонть Говоров аноксты од операциянтень. Декабрянь 2-це чистэнть «Сятко» операциясь кемекстазель ВГК-нь Ставканть эйсэ.

1943 иень январень 12-це чистэнть ушодовсь Ленинградонь ды Волховонь фронттнэнь операцияст. Январень 28-це чистэнть Ленинградонь блокаданть сеземанзо кисэ Леонид Александрович Говоров казезель Суворовонь I степенень орденсэ.

1944 иень январьстэнть Ленинградонь фронтонь ушмотне кармасть тееме Ленинградонь – Новгородонь операциянть, конадонть мейле сезезель ятонь оборонась. Немецтне панезельть 100 вайгельпес. Январень 27-це чистэнть Ленинградсо ютавтовсь салют, кона алтазель блокадань сеземантень, салютонть ютавтомадо приказонть Сталинэнь мереманзо коряс максызе Леонид Александрович Говоров.

Июнь ковстонть ушодозель Выборгонь – Петрозаводскоень операциясь, конань вельде арсевсь туевтемс войнастонть Финляндиянть. Виев тюрематнень пингстэ сезезельть оборонань 3 полосатне. Молемань нардесь пек виевель, сутказонзо 10-12 вайгельпеть. Курок саезель Выборгось. Тень кисэ июнень 18-це чистэнть Говоровнень максозель Советской Союзонь Маршалонь лемесь. Говоровонь ушмотне ютавтызь Нарвань, Таллиннэнь, Моонзундонь десантонь операциятнень ды панизь ятонть Эстониясто.

 

1945 иень январень 27-це чистэнть Говоровнень максозель Советской Союзонь Героень лемесь. Февраль ковстонть аравтозель Прибалтикань 2-це фронтонь ветиекс. Апрелень 1-це чистэнть фронтонть пекстызь мекев, сонзэ частензэ жо совасть Ленинградонь фронтонтень. Теде мейле Л.А.Говоров ульнесь советэнь зярыя фронтонь ветиекс, конат тюрсть немецень ушмонь «Курляндия» группировканть каршо. Маень 8-це чистэнть группировкась капитулировась. Теке жо иестэнть Говоров казезель «Изнямо» орденсэнть, конась максозель Ленинград ало ды Прибалтикасо немецень ушмотнень маштомаст кисэ. 1945 иень июлень 9-це чистэнть Л.А.Говоров аравтозель Ленинградонь ВО-нь ушмонь ветиекс. 1946 иень апрельстэнть саезь – Сухопутной ушмонь прявт инспектор. 1947 иень январьстэнть саезь – СССР-нь Вооружённой Виень прявт инспектор. Сонзэ прявтсо СССР-сэ ютавтови ПВО-нь Ушмонь реорганизация, часттнесэ аравтовить зенитно-ракетной од комплекст, реактивной истребительть, радиолокациянь станцият. 1954 иень май ковстонть Говоров кармась улеме СССР-нь ПВО-нь ушмонь прявт ветиекс, аравтови масторонь оборонань министрань полавтыцякс. Теке марто Леонид Александрович кармась стакасто сэредеме гипертониянь ормасонть, конань виевгавтылизь сеедьстэ молиця стресстнэ. Кизна лиссь мартонзо васень инсультось. 1955 иень мартонь 19-це чистэнть Говоров кулось «Барвиха» санаториясонть. Куломадонзо мейле кремировазель ды калмазель Якстере площадень Кремлянь стенантень.

 

Новости

В «Единой России» разместят на «Карте доступности» данные о кинотеатрах, оборудованных для людей с ОВЗ
Активисты партийного проекта «Единой России» «Единая страна – доступная среда»
разместят на созданном в рамках партпроекта портале для маломобильных групп населения
«Карта доступности» (kartadostupnosti.ru) информацию о кинозалах, оборудованных для
людей с ограниченными возможностями здоровья. Данные о них будут получены по итогам
мониторинга, который пройдет в июне. Об этом сообщил координатор партпроекта,
заместитель председателя комитета Госдумы по труду, социальной политике и делам
ветеранов Михаил Терентьев.
Подробнее ...
 
Госдума единогласно приняла в первом чтении поправки Турчака в закон о местном самоуправлении
Государственная Дума единогласно (397 депутатов – «за», против и 
воздержавшихся не было) приняла в первом чтении поправки в статью 40 ФЗ
«Об общих принципах организации местного самоуправления в Российской 
Федерации», которые 3 апреля внес вице-спикер Совета Федерации, 
секретарь Генерального совета «Единой России» Андрей Турчак.
Подробнее ...
 
Партийцы Мордовии совместно с минсельхозом обсудили проект Госпрограммы комплексного развития сельских территорий на 2020-2025 года
 

21 мая 2019 в  Воронеже состоится форум «Единой России», посвященный российскому селу. В преддверии  форума 13 мая партийцы республики совместно с министерством сельского хозяйства и продовольствия РМ провели «круглый стол», посвященный путям решения проблем российского села.

На «круглом столе» под председательством  первого заместителя министра сельского хозяйства и продовольствия Республики Мордовия Юрия Голова были обсуждены вопросы разработки муниципальных программ комплексного развития сельских территорий на период до 2025 года.

Подробнее ...
 
Представители «Единой России» в рамках всероссийской акции по озеленению городов высадят 3 млн деревьев
В рамках всероссийской акции партийного проекта «Единой России» «Чистая страна» по
озеленению городов с мая по октябрь будет высажено около 3 млн деревьев. Так, на майских
праздниках в 36 субъектах РФ будет высажено более 1 млн деревьев. В акции примут участие
депутаты всех уровней от «Единой России». Об этом сообщил координатор партийного
проекта, председатель комитета Государственной Думы по экологии и охране окружающей
среды Владимир Бурматов.
Подробнее ...
 
В Саранске состоялся турнир по боевому самбо на призы МРО Партии «Единая Россия»
Сегодня, 11 мая, состоялся турнир по боевому самбо на призы
Мордовского регионального отделения Партии «Единая Россия».
Открывая соревнования, заместитель Руководителя Мордовского
регионального исполнительного комитета Партии «Единая Россия»
Сергей Губарев отметил, что региональное отделение Партии
ежегодно выступает организатором спортивных турниров по разным
видам спорта и активно поддерживает развитие спорта в республике.
Подробнее ...