Рубрикатор

Их знает вся Россия СОНЗЭ УШМОТНЕ ОЛЯКСТОМТЫЗЬ СЛОВАКИЯНТЬ
СОНЗЭ УШМОТНЕ ОЛЯКСТОМТЫЗЬ СЛОВАКИЯНТЬ

 

Советской Союзонь Маршалось, Советской Союзонь Героесь Андрей Иванович Ерёменко чачсь 1892 иень октябрянь 14-це чистэ Россиянь империянь Екатеринославской губерниянь Марковка велесэ бедной сокицянь-видицянь семиясо. Армияв саезель 1913 иестэнть,  Масторлангонь васень войнанть шкасто воёвась Юго-Западонь ды Румынэнь фронттнэсэ. Октябрянь революциядонть мейле унтер-офицерэнь званиясонть велявтсь кудов. 1918 иестэнть немецень часттнень каршо кочкась партизанонь отряд. Курок отрядось совась Якстере Армиянтень.

Гражданской войнанть пингстэ А.И.Ерёменко воёвась С.М.Будённоень Алашань 1-це армиясонть, ульнесь якстереармеецэкс, взводонь ветиень лездыцякс, эскадрононь старшинакс, кавалериянь бригадань разведчикень, полконь школань прявтокс, 79-це кавалериянь полконь штабонь прявтокс.

Гражданской войнадонть мейле тонавтнесь Ленинградонь Высшей кавалериянь школасонть, 1925 иень октябрястонть саезь – штабонь прявт, 1929 иень декабря ковстонть саезь – кавалериянь полконь командир. 1931 иестэнть прядынзе Толмачёв лемсэ Военно-политической академиянь курсатнень, 1935 иестэнть – Фрунзе лемсэ Военной академиянть. 1938 иестэнть теевсь кавалериянь 6-це корпусонь командирэкс, конась теезель Алашань Васенце армиянь часттнестэ ды аштесь Белоруссиянь военной округсонть. 1939 иестэнть Ерёменко якась походов Западонь Белоруссияв, 1940 иестэнть – Белоруссиясо 3-це механизировазь корпусонь командир. Теке иень декабрястонть аравтызь Северэнь Кавказонь военной округонь ветиекс, зярыя чинь ютазь, аравтызь Дальней Востоксо Краснознамённой 1-це армиянь ветиекс.

1941 иень июнень    19-це чистэнть аравтызь 16-це армиянь ветиекс. Июнень 22-це чистэнть, зярдо марясь войнадонть, сыргась Московов, ков сась июнень 28-це чистэнть, ды аравтозель Западонь фронтонь ветиекс. Икелень фронтонь ветиесь Д.Г.Павлов таркастонзо панезель ды ледезель. Фронтонь ветиекс ульнесь июнень 30-це чинть видьс, косо важодсь Тимошенко маршалонть самс, мейле аравтозель сонзэ полавтыцякс.

Западонь фронтонть тапамодонзо мейле сонзэ составонтень максозельть Стратегической омбоце эшелононь ушмотне, ансяк ятонть  молеманзо лоткавтомс эзь удала. Немецень ушмотне форсировизь Березинанть, Днепранть ды Западонь Двинанть, саизь Полоцкоенть, Витебскоенть, Оршанть, Могилёвонть ды Смоленскоенть. Колмо недлянь ютазь, фронтось сыргась востоконть ёнов малав 200 вайгельпес. Ерёменко координировась 22-це, 19-це ды 20-це армиятнень, бажась велявтомс Витебскоенть. Июлень омбоце пельксстэнть Андрей Иванович бажась стабилизировамс Смоленскоенть ало положениянть. Июлень 14-це чистэнть аравтызь Западонь фронтонь ушмонь ветиекс. Июлень 30-це чистэнть Ерёменконь тердизь Московов ды максызь тензэ Брянскоень фронтонть. Сталиннэнь алтась, келя, «изнясы Гудерианонь», ансяк те тевесь тензэ эзь тееве, мезесь ветизе тюреманть Киевень катастрофантень.

Октября ковстонть фашисттнэ сыргасть Московонть лангс. Гудерианонь ушмотне саизь Брянской фронтонть окруженияс.  Гудерианонь механизированной колоннась эцесь фронтонь штабонтень. А.И.Ерёменко сонсь аштесь атаканть прявтсо, мезесь лездась эвакуировамс штабонть покш ёмавкстомо. Ставкантень сась радиограмма фронтонь штабонть тапамодо, ды сынь ловизь Ерёменконь маштозекс ды, тень мельсэ кирдезь, фронтонь ветиекс аравтызь 50-це армиянь ветиенть. Окружениянтень понгсть 3-це, 13-це ды 50-це армиятне. Октябрянь 9-це чистэнть часттне ушодсть туеме, покш ёмавкс марто лиссть окружениястонть ды теизь Курск  – Мценск  оборонань линиянть. Окружениянтень понгокшнось сонсь Ерёменкояк. Окружениястонть лисемстэ ветиесь стакасто ранязель ды самолётсо эвакуировазель Московов.

1941 иень декабрястонть  Ерёменконь аравтызь 4-це ударной армиянь ветиекс, конась совась Северэнь-Западонь ды Калининэнь фронттнэс, конась примась участия Москов алонь контрнаступлениясонть. Ятонть сестэ панизь 250 вайгельпес, олякстомтозельть Андреаполь ды Торопец оштне. Ерёменко тесэ таго ранязель, ансяк госпиталев эзь моле, эштё 23 чить ульнесь ветиекс. Ансяк февралень 11-це чистэнть ускозель госпитальс, косо ульнесь 1942 иень август ковонть видьс.

1942 иень августсто Ерёменконь аравтызь Юго-Востоконь фронтонь ветиекс, конась седе тов лемдезель Сталинградонь фронтокс. «Уран» операциянь ютавтомсто Ерёменконь ушмотне сезизь оборонанть ды вейсэндявсть Н.Ф.Ватутинэнь ушмотнень марто. Декабря ковстонть Ерёменконь ушмотне лоткавтызь Паулюсонь армиянть, конась ульнесь тапазь, ды кадовикстнэ 1943 иень февральстэнть капитулировасть. 1943 иень январьстэнть Сталинградонь фронтонть лемдизь Южной фронтокс, конань ушмонзо сыргасть Ростов-на-Дону ошонть лангс. Февралень 2-це чистэнть Ерёменко лавшо шумбрачинзэ кувалт каязель фронтонь ветиень таркастонть ды тердезель Московов Ставкантень, седе тов кучозель лецямо кавказонь санаториятнес.

1943 иень апрельстэнть А.И.Ерёменконь аравтызь Калининэнь фронтонь ветиекс. Те таркасонть ютавтызе пек парсте Невелень операциянть. 1944 иень февральстэнть Андрей Ивановичень ютавтызь югов, косо ульнесь Приморьянь башка армиянь ветиекс, конань икеле аравтозель задача – Керчень плацдармань ударонть вельде вейсэндявомс Украинань 4-це фронтонть марто. Те задачась пек парсте топавтозель Крымень операциянть вельде. Седе тов Ерёменко теевсь Прибалтикань 2-це фронтонь ветиекс. Фронтонь ушмотне пек парсте ютавтызь Режицко-Двинской наступательной операциянть. Ятонть ёмавксонзо кармасть улеме 30000 ломанде ламо. Те операциянть кисэ Андрей Ивановичнень максозель Советской Союзонь Героень лемесь. Август ковстонть ютавтызе Мадонской операциянть. 1944 иень сёксестэнть Прибалтикань фронтось мольсь Риганть лангс, ветясь виевдеяк виев тюремат, конатнеде мейле олякстомтозель Латвиянь прявт ошось. 1945 иестэнть Ерёменко – Украинань    4-це фронтонь ветий, косо сон ульнесь войнанть прядовомс. Фронтонь ушмотне тюрсть Чехословакиясо. Тесэ  воёвамсто Ерёменко ютавтызе Моравско – Остравской операциянть, конадонть мейле олякстомтозельть Чехиянь востоконь районтнэ ды Словакиясь. Изнямонть фронтонь ушмотне вастызь Праганть маласо. Чехиясо нейгак кой-кона куринкатне кандтнить Ерёменконь лемензэ.

Войнадонть мейле Андрей Иванович Ерёменко ульнесь Прикарпатьянь военной округонь ветиекс, Западонь Сибирень военной округонь ветиекс, Северэнь Кавказонь военной округонь ветиекс. 1955 иестэнть Ерёменконень максозель Советской Союзонь Маршалонь лемесь. Те лементь, келя, Сталин максыксэлизе Андрей Ивановичнень эштё 1952 иестэнть. 1958 иестэнть маршалонть аравтызь СССР-нь Оборонань министерствань Генеральной инспекторонь группань инспекторокс. Те таркасонть улемстэ, уставась сёрмадомо эсензэ мемуаронзо. Кода содазь, Ерёменко войнань перть, амереманть лангс апак вано, ветясь дневникть, косо пек ламо асодавикс фактт, войнантень максозь питнейчить ды анализт. 2013 иестэнть неть дневниктне васенцеде нолдазельть башка книгасо. А.И.Ерёменко кулось 1970 иестэнть.

 

Уловонь урназо калмазь Якстере площадень Кремлянь стенантень.

 

Новости

В «Единой России» разместят на «Карте доступности» данные о кинотеатрах, оборудованных для людей с ОВЗ
Активисты партийного проекта «Единой России» «Единая страна – доступная среда»
разместят на созданном в рамках партпроекта портале для маломобильных групп населения
«Карта доступности» (kartadostupnosti.ru) информацию о кинозалах, оборудованных для
людей с ограниченными возможностями здоровья. Данные о них будут получены по итогам
мониторинга, который пройдет в июне. Об этом сообщил координатор партпроекта,
заместитель председателя комитета Госдумы по труду, социальной политике и делам
ветеранов Михаил Терентьев.
Подробнее ...
 
Госдума единогласно приняла в первом чтении поправки Турчака в закон о местном самоуправлении
Государственная Дума единогласно (397 депутатов – «за», против и 
воздержавшихся не было) приняла в первом чтении поправки в статью 40 ФЗ
«Об общих принципах организации местного самоуправления в Российской 
Федерации», которые 3 апреля внес вице-спикер Совета Федерации, 
секретарь Генерального совета «Единой России» Андрей Турчак.
Подробнее ...
 
Партийцы Мордовии совместно с минсельхозом обсудили проект Госпрограммы комплексного развития сельских территорий на 2020-2025 года
 

21 мая 2019 в  Воронеже состоится форум «Единой России», посвященный российскому селу. В преддверии  форума 13 мая партийцы республики совместно с министерством сельского хозяйства и продовольствия РМ провели «круглый стол», посвященный путям решения проблем российского села.

На «круглом столе» под председательством  первого заместителя министра сельского хозяйства и продовольствия Республики Мордовия Юрия Голова были обсуждены вопросы разработки муниципальных программ комплексного развития сельских территорий на период до 2025 года.

Подробнее ...
 
Представители «Единой России» в рамках всероссийской акции по озеленению городов высадят 3 млн деревьев
В рамках всероссийской акции партийного проекта «Единой России» «Чистая страна» по
озеленению городов с мая по октябрь будет высажено около 3 млн деревьев. Так, на майских
праздниках в 36 субъектах РФ будет высажено более 1 млн деревьев. В акции примут участие
депутаты всех уровней от «Единой России». Об этом сообщил координатор партийного
проекта, председатель комитета Государственной Думы по экологии и охране окружающей
среды Владимир Бурматов.
Подробнее ...
 
В Саранске состоялся турнир по боевому самбо на призы МРО Партии «Единая Россия»
Сегодня, 11 мая, состоялся турнир по боевому самбо на призы
Мордовского регионального отделения Партии «Единая Россия».
Открывая соревнования, заместитель Руководителя Мордовского
регионального исполнительного комитета Партии «Единая Россия»
Сергей Губарев отметил, что региональное отделение Партии
ежегодно выступает организатором спортивных турниров по разным
видам спорта и активно поддерживает развитие спорта в республике.
Подробнее ...