Рубрикатор

Их знает вся Россия Фронтов нолдавтызе Сталин
Фронтов нолдавтызе Сталин

 

Советской Союзонь Маршалось, Советской Союзонь Героесь Кирилл Афанасьевич Мерецков чачсь 1897 иень июнень 7-це чистэ Рязанень губерниянь Назарьево велесэ крестьянтнэнь Афанасий Павлович ды Анна Ивановна Мерецковтнень семиясо. Сисем иесэ Кирилл уставась сокамо-видеме. Седе тов прядызе 4 классонь земствань начальной школанть. 12 иесэ кучозель Московов важодеме слесарекс. Тесэнь заводтнэсэ теевсь содавиксэкс революциянь подпольянь ломантнень марто. 1915 иестэнть  участвовась важодицянь промкстнэсэ. Турубинерэнь граммафононь фабрикасонть важодемстэ, косо анокставильть военной заказт, Кириллнэнь максозель олякстомтома Масторлангонь васень войнанть эйстэ. Теке жо иестэнть теевсь содавиксэкс Лев Карпов инженерэнть-химикенть, революционерэнть-большевикенть марто, конась кучизе Мерецковонь Владимирэнь губерниянь Судогда ошов.

Тесэ сон ютавтсь малав колмо иеть – важодсь слесарекс-механикекс канифолень-скипидаронь заводсонть. Тесэ, важодема таркасонть, теевсь содавиксэкс Борис Збарский биохимикенть марто. 1916 иестэнть предприятиянь администрациянть кучоманзо кувалт сыргась Московов. Тесэ мерсть тензэ седе эрязасто ветямс большевикень тевенть ды кучизь Бондюгань химиянь заводонтень, конась аштесь Вяткань губерниянь Бондюги велесэнть, косо директорокс ульнесь Карпов. Ансяк отсрочка армиядонть тесэ эзь максово, конань коряс савсь тензэ велявтомс мекев Судогдав. Октябрянь революциядонть мейле аравтозель местной советэнь военной отделэнь прявтокс. 1918 иестэнть совась Якстере Армиянтень, ульнесь отрядонь комиссарокс, бригадань ды дивизиянь штабонь прявттнэнь лездыцякс. Воёвась Востоконь, Югонь ды Западонь фронттнэсэ. Колмоксть стакасто ранязель.

1936-1937 иетнестэ ульнесь Испаниясо. 1937 иестэнть аравтызь Якстере Армиянь Генштабонь прявтонь полавтыцякс. 1938 иестэнть – Приволжской военной округонь ушмонь ветий. Иень ютазь, 1939 иень июньстэ, аравтозель Ленинградонь военной округонь ушмонь ветиекс. Теке жо иенть перть К.А.Мерецков Жданов Политбюронь членэнть марто вейсэ ардтнизь весе советэнь-финнэнь границянть, ютавтсть рекогносцировка. Финнэнь войнанть пингстэ ульнесь 7-це армиянь ветиекс, конась мольсь Карелиянь перешейкасонть Маннергеймень линиянть лангс. 1940 иень июньстэнть сонензэ, вейсэ Жуков ды Тюленев марто, максозель «армиянь генерал» лемесь. Теке жо иестэнть Мерецков ладязель СССР-нь Оборонань народной комиссаронь полавтыцякс. 1940-1941 иетнестэ – Якстере Армиянь Генштабонь начальник, седе тов таго СССР-нь раськень комиссаронь полавтыця.

Войнань омбоце чистэнть, 1941 иень июнень 23-це чистэнть, Смирновонь, Орловонь, Булинэнь, Каширинэнь, Урицкоень ды ламо лиятнень показанияст коряс Мерецковонь пекстызь тюрьмас, аштесь Лефортовасо. Тесэ аштемстэ генералонть пек чавсть. Семиянзо ванстомга, предварительной следствиясонть К.А.Мерецков ёвтызе прянзо чумокс.

1941 иень августонь 28-це чистэнть Кирилл Афанасьевич сёрмадсь сёрма Сталиннэнь, косо энялдсь кучомс сонзэ фронтов. Сентябрянь 6-це чистэнть тюрьмастонть нолдазель. Арсеви, Мерецковонь олякстомтызе сонсь Сталин, ансяк кодаткак документт тень коряс эзть ванстово.

Ине Отечественной войнанть шкасто Мерецков зансесь покштояк покш постт. 1941 иень сентябрястонть ульнесь башка 7-це армиянь ветиекс, конась лоткавтынзе финнэнь ушмотнень Свирь леенть лангс. 1941 иень ноябрясто – башка 4-це армиянь ветий. Декабря ковстонть аравтозель Волховонь фронтонь ветиекс. Те таркасонть ютавтынзе Любанской ды Синявинской операциятнень. Сынст ютавтомсто кодаткак невтевкст эзть саеве, мекевлангт, теезельть покштояк покш ёмавкст. Теде башка, Мясной Боронть ало «котёлсонть» малав педе-пев маштозель фронтонь 2-це ударной армиясь, сонзэ ветиесь жо, Власов генерал-лейтенантось, понгсь полонс. 1942 иень апрельстэнть Мерецков каязель фронтонь ветиень таркастонть ды ютавтозель Западонь фронтонь 33-це армиянь ветиекс.

Кода сёрмадсь сонсь К.А. Мерецков, келя, Волховонь фронтонь ушмотне максозельть Ленинградонь фронтонтень. Армиянь ветиень таркантень тусь Мерецков сонсь. Волховонь фронтсонть улемстэ Мерецковонь тевензэ онкстневить аволь вейкетьстэ. Мерецковнень, келя, эзь удала келейгавтомс прорывенть, конань теизе вадрясто воёвиця 2-це ударной армиясь. Лиякс меремс, фронтось эзинзе  велявто весе виензэ армиянть окружениясто лисемантень. Теде башка, уш мартстонть ударной армиянь  снабжениясь мольсь пек беряньстэ, мезесь эзь максо тензэ ванстомс саезь таркатнень.

Курок Волховонь фронтонть совавтызь Ленинградонь фронтонтень, конань ветиекс кармась улеме М.С.Хозин. Сонензэ эзь удала топавтомс Ставканть директиванзо ды уш июнень 6-це чистэнть таркастонзо панезель; июнень 9-це чистэнть Волховонь фронтонь ушмонь ветиекс таго кармавтызь Мерецковонь. 1943 иень январьстэнть Кирилл Афанасьевич пек парсте невтизе прянзо Ленинградонь блокаданть сеземасонть. 1944 иестэнть налксесь покш талика Ленинградонь – Новгородонь операциянть изнямосо. 1944 иень февральстэнть Мерецковонь аравтызь Карелэнь фронтонь ветиекс. Ине Отечественной войнанть прядызе Норвегиясо. 1944 иестэнть максозель тензэ Советской Союзонь Маршалонь лемесь. 1945 иестэнть ульнесь Изнямонь Парадонь участникекс. 1945 иень июльстэнть саезь – Дальней Востоконь 1-це фронтонь ветий, конась тюрсь Маньчжуриясо. Япониянть марто войнадонть мейле казезель «Изнямо» орденсэнть.

Войнадонть мейле Мерецков ульнесь Приморьянь, Московонь, Беломорьянь, Северэнь военной округтнень ветиекс. 1955-1964 иетнестэ Кирилл Афанасьевич важодсь СССР-нь Оборонань министрантень лездыцякс. Теде башка, 1939-1956 иетнестэ ульнесь КПСС-нь ЦК-с кандидатокс, 1940-1961 иетнестэ – СССР-нь Верховной Советэнь депутат.

 

Кирилл Афанасьевич Мерецков кулось 1968 иень декабрянь 30-це чистэнть. Седе тов кремировазель, прах марто урнась калмазель Кремлянь стенантень.

 

Новости

В «Единой России» проверят состояние детских площадок по всей России
До конца июня 2019 года активисты партпроекта «Единой
России» «Народный контроль» проведут проверку состояния детских
площадок в 85 регионах - насколько они соответствуют нормативам и
безопасны для жизни и здоровья детей. Информация о выявленных
нарушениях будет передана в администрации муниципалитетов,
управляющим
компаниям,
товариществам
собственников
недвижимости с требованием устранить выявленные недостатки. Об
этом заявила координатор партпроекта «Народный контроль»,
депутат Госдумы Анна Кувычко.
Подробнее ...
 
Аршинова направила в Правительство РФ пакет предложений для включения в программу «Земский учитель»
В целях реализации Послания Президента Владимира Путина
Федеральному Собранию в регионах активисты партпроекта «Новая школа»
организовали широкое обсуждение проекта программы «Земский учитель» с
привлечением представителей профильных ведомств и институтов развития
образования, ведущих экспертов, педагогического и родительских
сообществ. По их итогам был выработан комплекс важных предложений для
включения в программу «Земский учитель», которые были отправлены на
имя вице-премьера Правительства РФ Татьяны Голиковой. Об этом заявила
координатор партпроекта «Новая школа», член комитета Госдумы по
образованию и науке Алена Аршинова.
Подробнее ...
 
Жители Мордовии обратились к главному федеральному инспектору за содействием в решении проблем

В соответствии с поручением полномочного представителя Президента России в Приволжском федеральном округе Игоря Комарова 22 мая 2019 года в приемной Президента Российской Федерации в Республике Мордовия состоялся прием граждан. Провел его главный федеральный инспектор Михаил Сезганов.


Подробнее ...
 
Госдума приняла во втором чтении поправки «Единой России», разрешающие продажу театральных билетов без кассовых аппаратов
Депутаты Государственной Думы поддержали во втором чтении
поправки, разработанные депутатами от «Единой России», в закон «О
применении контрольно-кассовой техники», которые в том числе
предусматривают освобождение распространителей театральных билетов от
обязанности использовать кассовые аппараты с 1 июля 2019 года.
Подробнее ...
 
Медведев поддержал предложения участников Форума сельских депутатов «Единой России»
Председатель «Единой России», премьер-министр Дмитрий Медведев
поддержал предложения участников Форума сельских депутатов, который
прошел 21 мая в Воронеже.
Подробнее ...