|
Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.
Поздравления ды мелень-бажамонь марто сёрматне ды открыткатне ящикстэнть сайневить эрьва чистэ. Ине Устюгов Якшаматянтень пачтямотнень шкастонзо кучомга, ды штобу волшебникесь кенеревель пачтямс каршо валт, эряви видестэ сёрмадомс эсь адресэнть (тешкстама индексэнтькак) ды получицянть адресэнзэ.
Сёрманть Якшаматянтень кучома официальной адресэнтень: 162340, Россия, Вологодской область, Ине Устюг ошось, Якшаматянть почтась. Педявтома почтань марка. Резиденциянь адресэсь сёрмадозь Од иень почтовой ящикенть лангсо. Бути а содасынк эсь индексэнк, совадо pochta.ru сайтонтень.
Эрьва иестэ Мордовиянь почтовиктне республикань эрицятнень пельде Якшаматянь резиденцияв примить ды кучить зярыя тёжат од иень мель-бажамо марто почтань карточкат, открыткат ды сёрмат.
Теде башка, республикань почтань весе отделениятнева микшневить Од иентень алтазь эрьва кодат мазый открыткат, конвертт, ковкерькст, сувенирт.
05.12.2018
|
