Рубрикатор

Фото дня
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Вастовомань темакс ульнесь эрзя-мокшонь диаспоранть марто сюлмотнень кемекстамось. Александр Лузгин пачтясь Республикань Прявтонтень Мордовиянь делегациянть Ульяновской областень раськетнень промкссонть участиядонть. Съездэнь программанть лувсо ютасть минек творческой коллективтнень выступленияст. Мордовиянть пельде тов якась «Умарина» ансамблясь.

Владимир Волков тешкстызе икелепелев раськень культуранть виевгавтоманзо ды ванстоманзо сеть регионтнэсэ, косо эрить эрзят ды мокшот.

Мордовиянь Прявтось истя жо мерсь тердемс эрзя-мокшонь диаспорань представительтнень 2018 иень Футболонь коряс масторлангонь чемпионатонь мероприятиятнесэ участвовамо. Миненек эряви невтемс инжетненень ёнкссонок раськень сюпавчинть: оршамопельтнень, койтнень-кирдатнень, моротнень, киштематнень.

Саранскойсэ чемпионатонь читнестэ прявт темакс улезэ культурной многообразиянть ванстомась, раськетнень ды регионтнэнь ютксо сюлмотнень кемекстамось.

Вастовомасонть толковавсть «Шумбрат» республикань национально-фольклорной кенярксчинть ютавтомань кевкстематне. Организатортнэ ёвтасть мель ютавтомс сонзэ Рузаевкань райононь Левжа велесэ. Мордовиянь Прявтось шнызе истямо меленть.

Теде башка, вастовомасонть Пётр Тултаев ды Александр Лузгин ёвтызь мелест общественной вейсэндявксонь представительтнень коряс, конат совавтозь управленческой кадрань резервас.

 

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...