Рубрикатор

1000 лет вместе Чачома чи марто!
Чачома чи марто!

 

Аволь умок чачома чинзэ тешкстызе республикасонок содавикс ломанесь, кие государственной властень органонь эрьва кодамо тевсэ важодсь 40 иеде ламо. Те чевте седей, шожда обуця эрзянь авась – Лидия Николаевна Баргова. Сон чачсь-кассь Покш Игнатбуень Андрейвелесэ. Эште школасо тонавтнемстэ эрьва тевсэ бажась улемс васенцекс, паро тевень ушодыцякс, ялгатнень ютксо ветицякс. А стяко комсомолонь активистканть  казекшнызь  ламо питней казнесэ.

 

Лидия Николаевна ушодсь комсомолсто, ламо иеть важодсь партиянь  системасо. 1990 иестэ саезь высшей законодательной (представительной) государствань властень органсо – МАССР-нь Верховной Советсэ, МР-нь Государственной Собраниясо. Ламо иень перть ульнесь Мордовия Республикань Госсобраниянь Аппаратонь социальной политикань отделэнь прявтонь полавтыцякс. Сонзэ покш путовксозо МР-нь истят законопроекттнэнь анокстамосо, конатнень вельде максови лезкс спортонтень ды  физической культурантень, образованиясо, культурасо важодицятненень. Сонзэ бажамонзо вельде анокстазельть истят законопроекттнэ, кода уроз эйкакштненень ды тетянь-авань пингстэ вановтомо кадовозтненень лезксэнь максомга, эрямо таркань явомга ды ламо лия паро тевень теемга.

Лидия Николаевна кемень иеде ламо шкань перть лездась МР-нь Госсобраниянть юрсо теезь Од ломанень Палатанть ды МР-нь Демографиянь ды миграциянь политиканть коряс координационной Советэнть, Мордовиянь тейтерь-авань вейсэндявксонть важодемасо.

Л.Н.Барговань ушодксонзо коряс социальной комитетэнь аравтлувс совавтозельть «кругловой стольтнень» ды выездной заседаниятнень ютавтомасто истят тематне: «Велень библиотекатнесэ стакачитне ды сынст решамонь китне-янтнэ», «МР-со  школасо тонавтнемадо икелень образованиясо уликс стакачитнень ванкшномась ды сынст витемась» ды истя седе тов. Эрьва тевенть, конантень  кунды Лидия Николаевна, свал топавты седейшкава ды педе-пес. Сон анокстась республикань од ломанень ламо пелькстамот, косо сынь невтизь ёрокчист ламо темань коряс: «Бути мон улевлинь депутатокс», «Велесь од ломанень сельмсэ», «Монь тиринь таркась  – Россиясь!».

Ниленьгемень иень перть парсте важодемань кисэ Л.Н.Баргова казезь ламо эрьва кодамо казнесэ, конатнень ютксо «Заслуженный работник органов Государственной власти Республики Мордовия», «За заслуги в ознаменование 1000-летия единения мордовского народа с народами Российского государства» медальсэ, «Отличник народного просвещения РСФСР» знаксо,  РФ-нь Федерациянь Советэнь Федеральной Собраниянь Председателенть В.И. Матвиенконь Благодарностьсэ, «100  лет профсоюзам России» юбилейной медальсэ ды ламо лия покш казнесэ. Текенень поладсынек, Лидия Николаевна чевте седей, эрьва кинь кисэ мелявтыця, лиянень лездыця ломань. Сон 24 иень перть якась стакасто сэредиця лелянзо мельга.  Эрямосонзо стакачитнень лангс апак вано, зярдояк нусманя ёжонзо а невти. Эрямованть юты шождасто, весень васты чевте мизолкс.

 

Неть Од иень читнестэ Лидия Николаевнань лемс ёвтавсть ламо поздоровт. Миньгак вейсэндявтано неть паро арсематнес. Кадык эрямось канды тензэ седе ламо уцяскав чить, ковт, иеть! Сеть паро тевтне, конатнень сон теи седейшкава, кавонзазь велявтост тензэ!

 

Новости

Чувашиясто – казне марто

 

Мартонь 24-це чистэ И.Я.Яковлев лемсэ Чувашиянь государственной педагогической университетсэ ютась этнопедагогикань ды поликультурной образованиянь коряс студентэнь Весероссиянь олимпиада. Сон алтавсь РАО-нь академикенть Г.Н.Волковонь 90 иетненень.

Подробнее ...
 
Од ломанень ассамблея

 

Мордовия Республикасо теезь «Молодежная Ассамблея народов России «МЫ – РОССИЯНЕ» Общероссийской общественной движениянь региональной отделения. Республикасонть од ломанень движениянь теемась карми общероссийской гражданской идентичностень формированиянть коряс ушодкстнэнень, раськетнень ютксо ояксчинь кемекстамонтень ды  межкультурной вейсэнь важодеманть келейгавтомантень лездамонь площадкакс.

Подробнее ...
 
Диктантось – эрявикс тев

Те иень апрелень 8-це чистэ Саранскойсэ малав 400 ломантне кармить «Тотальной диктантонь» участникекс. Мероприятиянь ютавтомань меленть шнызе Мордовиянь Прявтось Владимир Волков.

Подробнее ...
 
Сценанть лангсо Ицялбуесь...

 

Неть оймсема читнестэ Республикань Культурань Кудосо ютасть «Шумбрат, Мордовия!» народной творчествань фестивалень меельце концерттнэ. Кадовсь ансяк Гала-концертэсь, кона карми декабрянь 11-це чистэ. Сценанть лангс лиснесть Ицялбуень, Ковылкина ёнксонь ды Саранск ошонь округонь артисттнэ.

Подробнее ...
 
Мамаева омбоце

 

Ноябрянь васенце пельксстэнть евтазельть Россиянь республикатнень государственной кельтнень коряс школасо тонавтницянь ды студентэнь Весероссиянь васенце олимпиадань итогтне.

Подробнее ...