Рубрикатор

1000 лет вместе Госсобраниянь сессиясь
Госсобраниянь сессиясь

 

 

Неть читнестэ Мордовия Республикань Госсобраниянь депутаттнэ пуромкшность ветеце тердемань ведьгемень сисемеце сессиязост. Сонзэ панжизе ды ветясь МР-нь Госсобраниянь Председателесь В.В.Чибиркин.  Депутаттнэде башка пуромкшность: МР-нь Прявтось В.Д.Волков, МР-нь Правительствань Председателесь В.Ф.Сушков, Главной федеральной инспекторось М.С.Сезганов, МР-нь Прявтонь Администрациянь аппаратонь важодицят, ошонь ды райононь муниципальной образованиянь администрациянь прявтт, силовой ведомствань руководительть ды ламо лия ответственной важодицят.

Чинь повесткас совавтозельть кемень кевкстемат. Васенцекс ванкшновсь «2016 иес Мордовия Республикань бюджеттэ» МР-нь Закононь полавтоматнень совавтомадо МР-нь законопроектэсь. Сонзэ коряс толковамот тейсь МР-нь Финансонь министрань васенце полавтыцясь Л.В.Романенко. Сон тешкстызе бюджетс полавтоматнень совавтомань кенярксов тувталонть: федеральной центрасто сась тенек лезкс малав 40 миллионт целковойть. Кода мерсь Любовь Викторовна, седе ламось неть ярмактнестэ максови 2018 иестэ Футболонь коряс масторлангонь чемпионатонтень анокстамонь ды ютавтомань тевтнес. Ламо ярмакт арсеви ютавтомс Саранскоенть мазылгавтомс, спортонь объекттнэнь прядомс, китнень витнемс ды одс строямс.

Меельце шкастонть республикасонть ды масторсонть покш мель явови культурань объекттнэнень. Вана нейгак сессиясонть решазель Российской Федерациянь Президентэнь резервань фондсто явомс 280 тёжат целковойть государствань ды муниципальной библиотекатненень.

Сессиясонть мольсь кортамо ёроков, домка содамочи марто эйкакштнеде. Те сынст туртов минек республикасо карми стявтовомо эйкакшонь технопарк. Виде, тень туртов кармить эрявомо аволь аламо ярмакт. Сонзэ стявтомс арсеви явомс ниленьгеменде ламо миллионт целковойть. Истя жо сессиясонть кепедезель килангсо зыянтомо ардтнемань кевкстемась. Маласо шкасто одкстомтови видеонаблюде ниянь автоматизированной системась. Ярмактне саевить килангонь правилатнень колыцятнень пельде штрафонь средстватнень тевс нолдазь.

Республикань бюджеттэ толковамсто вал сайнесь МР-нь Госсобраниянь Председателень полавтыцясь – Бюджетэнь, финансонь ды налогонь коряс комитетэнь прявтось С.Ф.Сорокин. Сергей Фёдорович ёвтызе эсь вановтонзо  чинь повесткас совавтозь кевкстематнень коряс.

Сессиясонть истя жо ванкшновсть истят кевкстемат, конатнень ютксо: «Мордовия Республикань гражданской службань должносттнеде ды государственной должносттнеде» МР-нь Закононь 6 статьяс полавтоматнень совавтомадо, МР-нь законодательной башка акттнэс полавтоматнень совавтомадо ды ламо лия МР-нь законопроекттнэде. Мольсь кортамо Мордовия Республикань ды Китаень Народной Республиканть ютксо микшнемань-экономикань, научно-технической ды гуманитарной тевтнесэ вейсэ важодемадо, ладямонь документэнь кемекстамодо.

Неень шкане минек республикань эрицятнень талновты ярсамопельтнесэ зыянов пелькстнэнь улемась. Тень ловозь, МР-нь Госсобраниянь депутаттнэ вейсэндявсть Ленинградонь ёнксонь Законодательной Собранияс совицятнень паро ушодксозост. Сынь вейсэ сёрмадстсть пшкадема Россиянь санитарной прявт врачонтень эйкакшонь ярсамопеленть мельга седе пштистэ ваномга, эйстэнзэ транс-изомертнэнь ды пальмань оенть саемга.

Кемеви, те законопроектэнть кемекстамодо мейле, минек эйкакштне ды нуцькатне кармить ярсамо экологиянь коряс ванькс ды тантей продукциядо.

Сессиясонть ванкшновсть эште ламо лия кевкстемат, конат кемекставсть кавто ловномасо.

В.Юдина

 

Новости

Чувашиясто – казне марто

 

Мартонь 24-це чистэ И.Я.Яковлев лемсэ Чувашиянь государственной педагогической университетсэ ютась этнопедагогикань ды поликультурной образованиянь коряс студентэнь Весероссиянь олимпиада. Сон алтавсь РАО-нь академикенть Г.Н.Волковонь 90 иетненень.

Подробнее ...
 
Од ломанень ассамблея

 

Мордовия Республикасо теезь «Молодежная Ассамблея народов России «МЫ – РОССИЯНЕ» Общероссийской общественной движениянь региональной отделения. Республикасонть од ломанень движениянь теемась карми общероссийской гражданской идентичностень формированиянть коряс ушодкстнэнень, раськетнень ютксо ояксчинь кемекстамонтень ды  межкультурной вейсэнь важодеманть келейгавтомантень лездамонь площадкакс.

Подробнее ...
 
Диктантось – эрявикс тев

Те иень апрелень 8-це чистэ Саранскойсэ малав 400 ломантне кармить «Тотальной диктантонь» участникекс. Мероприятиянь ютавтомань меленть шнызе Мордовиянь Прявтось Владимир Волков.

Подробнее ...
 
Сценанть лангсо Ицялбуесь...

 

Неть оймсема читнестэ Республикань Культурань Кудосо ютасть «Шумбрат, Мордовия!» народной творчествань фестивалень меельце концерттнэ. Кадовсь ансяк Гала-концертэсь, кона карми декабрянь 11-це чистэ. Сценанть лангс лиснесть Ицялбуень, Ковылкина ёнксонь ды Саранск ошонь округонь артисттнэ.

Подробнее ...
 
Мамаева омбоце

 

Ноябрянь васенце пельксстэнть евтазельть Россиянь республикатнень государственной кельтнень коряс школасо тонавтницянь ды студентэнь Весероссиянь васенце олимпиадань итогтне.

Подробнее ...