Рубрикатор

1000 лет вместе ГОССОБРАНИЯНЬ СЕССИЯСЬ
ГОССОБРАНИЯНЬ СЕССИЯСЬ

 

Декабрянь 28-це чистэ  МР-нь Госсобраниянь депутаттнэ пуромкшность те иень меельце сессиязост. Ветеце тердемань  ниленьгемень кавксоце сессиянтень сакшность МР-нь Прявтось В.Д.Волков, МР-нь Правительствань  Председателесь В.Ф.Сушков, Саранск ошонь округонь Администрациянь прявтось П.Н.Тултаев, министерстватнень ды ведомстватнень, республикань районтнэнь прявттнэ ды ламо лият.

Сессиянть, кода свал, панжизе ды ветясь МР-нь Госсобраниянь Председателесь В.В.Чибиркин. Чинь повесткасонть ульнесь кевейкее кевкстема. Васенцекс ванкшновсь «2015 иес ды сыця 2016-2017 иетнес МР-нь республикань бюджеттэ» МР-нь законопроектэнтень полавтоматнень совавтомадо кевкстемась. Сонзэ коряс толковамот тейсь МР-нь Правительствань Председателень полавтыцясь – Финансонь министрась Алексей Симонов.

МР-нь Здравоохранениянь министрась М.Ю.Морозов пуромозтненень пачтясь Мордовия Республикасо обязательной медицинской страхованиянь Территориянь фондонь бюджетс МР-нь закононь проектэнтень полавтоматнень совавтомадо, конат токить ютазь 2015 иенть ды сыця 2016-2017 иетнень.

Кавто кевкстематнень коряс, косо кортави Мордовия Республикань государствань исполнительной органтнэнь системадо ды МР-нь законодательной акттнэс полавтоматнень совавтомадо, кортась МР-нь Прявтонь Администрациянь Законодательствань ды правань экспертизань кевкстематнень коряс управлениянь важодицясь О.М.Зиновьев.

Истят законопроекттнэде, конат сюлмавозь Мордовиянь культурань законопроектэнть марто, толковамот тейсь те министерствань прявтось В.И. Шарапов, образованиянь системас од ёнкстнэнь совавтомадо пачтясь Е.Е.Маркачев.

МР-нь депутаттнэнень ды республикань эрицятненень Од иень кенярксчинть коряс поздоров марто пшкадсь МР-нь Госсобраниянь Председателесь, «Единая Россия» политикань партиянь Мордовиянь региононь отделениянь секретаресь В.В.Чибиркин. Сон ёвтась сюкпрянь валт В.Д.Волковнень, В.Ф.Сушковнень, весе депутаттнэнень, ошонь ды райононь прявттнэнень, СМИ-тненень велувсо важодеманть кисэ. Владимир Васильевич тешкстызе, ютазь иестэ МР-нь Госсобраниянь депутаттнэ важодсть республикань ломантнень эрямост паролгавтомга, Мордовиянь социально-экономикань тевтнень виевгавтомга.

Высшей законодательной органонь прявтось ёвтась кемема сыця 2016 иенть парсте ютавтоманзо коряс, куш сон карми улеме а шождакс. Сы иестэ ютавтовить кочкамот МР-нь Госсобранияс ды Государственной Думас.

Меельцекс максозельть казнеть Федерациянь Советэнь спикерэнть Валентина Матвиенконь пельде МР-нь Госсобраниянь депутатонтень Вячеслав Брыковнень ды Саранск ошонь округонь Пролетарской райононь администрациянь прявтонтень Михаил Луниннэнь.

 

В.Юдина

 

Новости

Чувашиясто – казне марто

 

Мартонь 24-це чистэ И.Я.Яковлев лемсэ Чувашиянь государственной педагогической университетсэ ютась этнопедагогикань ды поликультурной образованиянь коряс студентэнь Весероссиянь олимпиада. Сон алтавсь РАО-нь академикенть Г.Н.Волковонь 90 иетненень.

Подробнее ...
 
Од ломанень ассамблея

 

Мордовия Республикасо теезь «Молодежная Ассамблея народов России «МЫ – РОССИЯНЕ» Общероссийской общественной движениянь региональной отделения. Республикасонть од ломанень движениянь теемась карми общероссийской гражданской идентичностень формированиянть коряс ушодкстнэнень, раськетнень ютксо ояксчинь кемекстамонтень ды  межкультурной вейсэнь важодеманть келейгавтомантень лездамонь площадкакс.

Подробнее ...
 
Диктантось – эрявикс тев

Те иень апрелень 8-це чистэ Саранскойсэ малав 400 ломантне кармить «Тотальной диктантонь» участникекс. Мероприятиянь ютавтомань меленть шнызе Мордовиянь Прявтось Владимир Волков.

Подробнее ...
 
Сценанть лангсо Ицялбуесь...

 

Неть оймсема читнестэ Республикань Культурань Кудосо ютасть «Шумбрат, Мордовия!» народной творчествань фестивалень меельце концерттнэ. Кадовсь ансяк Гала-концертэсь, кона карми декабрянь 11-це чистэ. Сценанть лангс лиснесть Ицялбуень, Ковылкина ёнксонь ды Саранск ошонь округонь артисттнэ.

Подробнее ...
 
Мамаева омбоце

 

Ноябрянь васенце пельксстэнть евтазельть Россиянь республикатнень государственной кельтнень коряс школасо тонавтницянь ды студентэнь Весероссиянь васенце олимпиадань итогтне.

Подробнее ...