Рубрикатор

1000 лет вместе СЫ ИЕНТЕНЬ БЮДЖЕТЭСЬ КЕМЕКСТАВСЬ
СЫ ИЕНТЕНЬ БЮДЖЕТЭСЬ КЕМЕКСТАВСЬ

 

Декабрянь 11-це чистэ Мордовия Республикань депутаттнэ пурнавкшность васенце тердемань 47-це сессияс. Сонзэ ушодомадо икеле МР-нь Госсобраниянь Председателесь В.В.Чибиркин ёвтась поздоровт пурнавозтненень Россиянь Конституциянь кенярксчинть кувалма. МР-нь Прявтось В.Д.Волков торжественнасто макссь паспортт минек республикань од гражданинтнэнень, кинень топодсть 14 иеть.

Сессиясь, кода свал, ушодовсь МР-нь Гимнанть гайгемасто. Чинь повесткас совавтозельть 20 кевкстемат. Сехте талновтыцясь ютксост – «2016 иес Мордовия Республикань бюджеттэ» кортамось. Те документэнть мельс саезь, МР-нь Правительствань Председателень полавтыцясь – Финансонь министрась А.Ю.Симонов нурькинестэ пачтясь сехте эрявикс ёнкстнэде. Тешкстазель, 2016 иень бюджетэсь кемекстазь государствань 25 программатнень лангс ванозь, конатне токить государствань властень исполнительной органонь эрявикс весе ёнкстнэнь. Васень таркас аравтозь эрямонть паролгавтомась. Ярмактнестэ седе ламонть, 60 проценттнэнь, арсеви ютавтомс образованиясо, медицинасо, культурасо тевтнень витемс ды весе социальной обязательстватнень топавтомс.

Минек региононь валовой продуктанть сы иестэ арсеви кастомс 218 млрд. целковойс ды ютазь иенть коряс сонзэ ламолгавтомс 14 проценттс. Зарплатань фондось кастови 14 проценттс, ды сонзэ покшолмазо карми 69,5 млрд. целковойть. Средней зарплатась арсеви 25290 целковойть. Бюджетэнь доходной пельксэсь карми улеме 30,8 млрд. целковойть, ютавтомань – 33,2 млрд. целковойть. Кода мерсь Алексей Симонов, сехте покш мелесь карми явовомо РФ-нь Президентэнь маень Указтнэнь топавтомантень, экономикань виевгавтомантень, од проектэнь анокстамонтень, Футболонь коряс масторлангонь  чемпионатонтень анокстамонтень.

Бюджетэнть коряс истя жо мелест-арсемаст ёвтызь МР-нь Госсобраниянь Председателень полавтыцятне: Бюджетэнь, финансонь ды налогонь коряс комитетэнь прявтось Сергей Сорокин, Социальной политикань коряс комитетэнь прявтось Рафаиль Аширов; депутаттнэ: Валентина Зайцева, Николай Киреев. Эрьвась юткстост ёвтызе сонзэ варштавкс лангс сехте талновтыцянть.

С.Ф.Сорокин икельце валсонзо покш мель явсь налогтнень пурнамонтень, сеть кевкстематненень, конатне токить агропромышленной комплексэнть виевгавтоманзо, республикас од инвестициятнень пачтямонть, эрямонь паролгавтоманть.

Бюджетэнть кемекстамодо, кода карматано эрямо ды важодеме сы иестэ, мезе лангс эряви явомс седе покш мель пурнавозтненень пачтясь МР-нь Прявтось В.Д.Волков.

– Минь арсетяно эсенек доходтнэнь кастомс 21 процентс, неень а шожда шкастонть экономикань условиятнень мельс саезь те арсеманть топавтомга минек учи покш ды виев важодема. Эряви кастомс зарплатанть инфляциянть эйстэ колмо проценттэ седе ламос. Тень ловозь, бюджетэнь сферасо зарплатанть кастома 10 проценттс, – мерсь МР-нь Прявтось В.Д.Волков. – Собственной доходтнэнь кепедемс 121 процентс.

Депутаттнэ совавтсть полавтомат, конатне токить агропромышленной комплексэнть, Технопарконть виевгавтомаст. Истя жо максомс лезкс тевтеметненень.

Сессиясонть ванкшновсть истят законопроекттнэ, кода «2016 иес Мордовия Республикань обязательной медицинань страхованиянь территориянь фондонь бюджеттэ», «МР-нь государственной казнетнеде», «МР-со межбюджетной отношениятнеде» ды ламо лиятне.

 

В.Юдина

 

Новости

Чувашиясто – казне марто

 

Мартонь 24-це чистэ И.Я.Яковлев лемсэ Чувашиянь государственной педагогической университетсэ ютась этнопедагогикань ды поликультурной образованиянь коряс студентэнь Весероссиянь олимпиада. Сон алтавсь РАО-нь академикенть Г.Н.Волковонь 90 иетненень.

Подробнее ...
 
Од ломанень ассамблея

 

Мордовия Республикасо теезь «Молодежная Ассамблея народов России «МЫ – РОССИЯНЕ» Общероссийской общественной движениянь региональной отделения. Республикасонть од ломанень движениянь теемась карми общероссийской гражданской идентичностень формированиянть коряс ушодкстнэнень, раськетнень ютксо ояксчинь кемекстамонтень ды  межкультурной вейсэнь важодеманть келейгавтомантень лездамонь площадкакс.

Подробнее ...
 
Диктантось – эрявикс тев

Те иень апрелень 8-це чистэ Саранскойсэ малав 400 ломантне кармить «Тотальной диктантонь» участникекс. Мероприятиянь ютавтомань меленть шнызе Мордовиянь Прявтось Владимир Волков.

Подробнее ...
 
Сценанть лангсо Ицялбуесь...

 

Неть оймсема читнестэ Республикань Культурань Кудосо ютасть «Шумбрат, Мордовия!» народной творчествань фестивалень меельце концерттнэ. Кадовсь ансяк Гала-концертэсь, кона карми декабрянь 11-це чистэ. Сценанть лангс лиснесть Ицялбуень, Ковылкина ёнксонь ды Саранск ошонь округонь артисттнэ.

Подробнее ...
 
Мамаева омбоце

 

Ноябрянь васенце пельксстэнть евтазельть Россиянь республикатнень государственной кельтнень коряс школасо тонавтницянь ды студентэнь Весероссиянь васенце олимпиадань итогтне.

Подробнее ...