Рубрикатор

ЭРЗЯНЬ ПРАВДЕ - 95
ЭРЗЯНЬ ПРАВДЕ - 95
МЕЗДЕ СЁРМАДСЬ ТИРИНЬ ГАЗЕТАСЬ ЮТАЗЬ ПИНГЕНЬ 30-це ИЕТНЕСТЭ

«Эрзянь правда» газетась аноксты 95 иень юбилеентень. Эсь кинзэ сон ушодызе васоло 1921 иень сентябрянь 24-це чистэ. Газетась лиснеме ушодсь Московсо. Васенце лемезэ – «Якстере теште». Се шкастонть газетась нолдавсь 8 тёжат экземплярсо. Васенце редакторозо ульнесь М.К.Евсеев. Газетанть ловность Тамбовонь, Самарань, Саратовань, Оренбургонь, Симбирской, Нижегородской ды лия губерниятнесэ. 

Подробнее...
 
Газетанть казнензэ

«Эрзянь правдань» сехте покш казнекс, нама, ашти «Знак почета» орденэсь. Сонзэ эйсэ газетанть казекшнызь 50 иетнень топодемантень.

Советской Союзонь Верховной Советэнь Президиумонь грамотась тень коряс сермадозель 1971 иень сентябрянь 23-це чистэ.

1981 иень сентябрянь 8-це чистэ, те лиси 60 иетнень топодемантень, «Эрзянь правда» республиканской газетантень максозель РСФСР-нь Верховной Советэнь Президиумонь Почетной грамотась.

Кеме сюлмот «Эрзянь правдась» кирди Россиянь Журналистэнь союзонть мартояк. Ловт, весе творческой роботниктне аштить те общественной организациянь членэкс. Те Дипломось алтави газетань 80 иетненень.

Неень шкане газетань учредительтнестэ вейкекс ашти МР-нь Госсобраниясь. «Эрзянь правдась» номердэ номерс евтни сонзэ депутаттнэнь тевдест, эрицятнень марто сюлмодост. Те Почетной грамотась газетантень максозь сонзэ паро важодеманзо кис.

 
Газетанть казнензэ

Сехте умонцесь, конась ванстовсь редакциянь архивсэ – те 1940 иень Весероссиянь велень хозяйствань выставкасо участниктнень Свидетельствась. Газетанть зярс лемезэль «Эрзянь Коммуна». Неть выставкатнес сеть шкатнестэ понгомс ульнесь овсе а шожда. Эрявсь печатамс ламо материалт, конат тердить партиянть мельтнень-бажамотнень топавтомо. Свидетельствасонть сермадозь Трудонь Геройтнень лемест, киде евтнесь газетась. Те выставкань участникекс «Эрзянь правдась» ульнесь седе мейлеяк.

Мельганзо снимкасонть омбоце таркань дипломось, конань газетась получизе ВДНХ-сто 1986 иестэ.

Те ДОСААФ-нь грамотанть газетась получизе 1973 иестэ военно-патриотической воспитаниянь ды евтазь обществанть тевензэ евтнемань кис.

Мезесь пек явовты мель – грамотанть ало ашти авиациянь Маршалонть, содавикс летчикенть А.Покрышкинэнь кедьчелькесь. Истямо шнамо конев течи муят а эрьва музейстэ.

Питнеекс ашти редакциянь коллективенть туртов «Журналист» журналонть пельде Почетонь дипломось. Сон максозель 1974 иестэ газетасо соцсоревнованиядо сехте парсте евтнеманть кис. Те дипломонть алов кедьчелькензэ путызе «Журналист» журналонь се шкань редакторось В.Жидков.

Сехте вадря шнамось – зярдо тевдеть паро валт евтыть коллегатне.

 
Газетась 80-це иетнестэ

80-це иетнень ушодовомсто «Эрзянь правдань» редакторокс важодсь Петр Прохорович Борейкин. Се шкастонть коллективсэнть седе ламо ульнесть цератнеде.

Перестройкань шкастонть (1986 – 1999 иетнестэ) «Эрзянь правдань» редакторокс ульнесь В.И.Кечемайкин. Сон поладызе ды келейгавтызе икелень редакторонть П.П.Борейкинэнь паро тевензэ. Виктор Ивановичень пингстэ газетасонть панжовсть ламо од рубрикат, покш мель кармась явовомо тиринь келентень, культурантень, литературантень, историянтень. Ламо материалт кармасть лиснеме томбалень эрзятнеде. В.И.Кечемайкин сонськак сермадсь весе жанратнесэ.

 
Ули мезе ванстомс, поладомс

«Эрзянь правдась» аноксты эсензэ 90 иетненень. Сонзэ ушодксокс ловови 1921 иестэ Московсо «Якстере теште» эрзянь газетанть васенце номерэнзэ лисемазо. Сёксь. Стакадояк стака вачо шка. Кода удалась сыргавтомс те покш тевенть, кить сонзэ ушодыкшнызь – теде а весть ёвтнезель-сёрмадозель. Эстень савкшнось 1971 иестэ ардомс Московов, вешнемс-ванкшномс «Якстере тештень» васенце ды седе мейленьгак номертнэнь, седейга марямс, кода стакасто кирвазтевсь ды «кивчкадсь» эрзятнень туртов «тештесь-тештинесь». Вадрясто ашти мельсэ, зяро вийть, мельть, бажамот путозельть минень-сюнонь чиновниктнень кемевтемга: неень «Эрзянь правдась» – «Якстере тештень» поладкс. Тень кис икелевгак ёвтама сюкпря се шкань редакторонтень Борейкин Пётр Прохоровичнень.

Ансяк а весть пшкадезель-вешезель кармамс ловомо эрзянь газетанть «чачоманзо» седе умонь шкасто – Симбирскойсэ (ней Ульяновск ош) «Чинь стямонть» эйстэ. Лисни, 1920 иестэ саезь. Редакциясо неень важодицятнень тень туртов та-мекс смелчист а саты…

Подробнее...
 
<< Первая < Предыдущая 1 2 Следующая > Последняя >>

Страница 1 из 2

Новости

Чувашиясто – казне марто

 

Мартонь 24-це чистэ И.Я.Яковлев лемсэ Чувашиянь государственной педагогической университетсэ ютась этнопедагогикань ды поликультурной образованиянь коряс студентэнь Весероссиянь олимпиада. Сон алтавсь РАО-нь академикенть Г.Н.Волковонь 90 иетненень.

Подробнее ...
 
Од ломанень ассамблея

 

Мордовия Республикасо теезь «Молодежная Ассамблея народов России «МЫ – РОССИЯНЕ» Общероссийской общественной движениянь региональной отделения. Республикасонть од ломанень движениянь теемась карми общероссийской гражданской идентичностень формированиянть коряс ушодкстнэнень, раськетнень ютксо ояксчинь кемекстамонтень ды  межкультурной вейсэнь важодеманть келейгавтомантень лездамонь площадкакс.

Подробнее ...
 
Диктантось – эрявикс тев

Те иень апрелень 8-це чистэ Саранскойсэ малав 400 ломантне кармить «Тотальной диктантонь» участникекс. Мероприятиянь ютавтомань меленть шнызе Мордовиянь Прявтось Владимир Волков.

Подробнее ...
 
Сценанть лангсо Ицялбуесь...

 

Неть оймсема читнестэ Республикань Культурань Кудосо ютасть «Шумбрат, Мордовия!» народной творчествань фестивалень меельце концерттнэ. Кадовсь ансяк Гала-концертэсь, кона карми декабрянь 11-це чистэ. Сценанть лангс лиснесть Ицялбуень, Ковылкина ёнксонь ды Саранск ошонь округонь артисттнэ.

Подробнее ...
 
Мамаева омбоце

 

Ноябрянь васенце пельксстэнть евтазельть Россиянь республикатнень государственной кельтнень коряс школасо тонавтницянь ды студентэнь Весероссиянь васенце олимпиадань итогтне.

Подробнее ...