- Подробности
- Категория: Экономика
Отяжелень райононь «Сабанчеевское» ООО-сь – велень хозяйствань кеме предприятия. Важодема таркат максы аволь ансяк Сабанцелень эрицятненень, истя жо шабра Таразбуень, Дюрькинань, Аловелень, Селищань ломантненень. Хозяйствась виевстэ важоди аволь ансяк сюротнень видемань-кастомань коряс, тесэ свалшкане ули сюракшов ракшань трямонь фермаяк, конась иестэ иес касы-виензы, важодемасо нолдавить неень шкань од технологиятне.
- Подробности
- Категория: Экономика
Неть читнестэ минь пачколинек Чаунзабуень Покш Эрьмезёнкав. Тесэ зярыя иень перть важоди «Ремезёнское» ООО-сь. Сонзэ вети «ООО МАПО и К» ТНВ-нь генеральной директоронь полавтыцясь Александр Борисович БОТАЙКИН. Эрзянь цёрась пингензэ перть важоди мода лангсо.
- Подробности
- Категория: Экономика
Ламбамо якстерькаенть видемазо республикасонть ушодовсь апрелень 26-це чистэ. Неень шкане те культуранть видеманзо ды кастоманзо коряс важодить Ромодановань, Ицялонь, Лямбирень, Кочкуровань, Чаунзань, Отяжелень, Орданьбуень ды Покш Игнатовань районтнэнь велень хозяйствань предприятиятне.
- Подробности
- Категория: Экономика
«Агропромсервис» ООО-сь пурназель-теезель 2005 иестэ «Мордовский» лишмень кирдема заводонть юрсо. Течинь чине хозяйствась важоди ламо ёнксонь коряс ды содавикс аволь ансяк эсенек республикасо, томбалеяк. Тесэ кастыть сюро, ламбамо якстерькай, трить ракшат, важодить ловсонь ды сывелень нолдамонь коряс.