Мордовия Республикась ловови аграрной регионокс. Велень хозяйстванть кепедемась-виевгавтомась тесэ ашти васенце таркасо, секскак сонензэ явови башка мель.
Домка важодема ветяви аволь ансяк покш агрохолдингтнень ды велень хозяйствань предприятиятнень марто, башка мель явови крестьянонь-фермерэнь аволь покш хозяйстватнененьгак, конатне меельце иетнестэ ков седе ламолгадсть республикань весе районтнэсэ. Зярыя КФХ-т улить Чаунзань буесэнтькак. Вейкесь эйстэст важоди Отраднойсэ – те Валерий Николаевич Аношкинэнь крестьянонь-фермерэнь хозяйствась. Неть читнестэ минь ульнинек те эрзянь велесэнть, вастовкшнынек фермерэнть марто ды кортынек важодемадонть.
Валерий Аношкинэнь эсь тиринь веленть марто сюлмавозь весе эрямозо. Сон зярдояк эзь бажа, кода ламот течи, оргодемс велестэ ошов, мекевлангт, свал снартнесь кепедемс эсь веленть, теемс весементь сонзэ ванстомга. Ды кода корты сонсь цёрась, те лиси ансяк мода лангсо важодезь, велень хозяйствань кирдезь. Секскак КФХ-нь теемадо меленть лангсо арсесь а кувать, сеске кундась тевс. Те ульнесь уш зярыя иеде икеле. Весе неть иетнень перть В. Н. Аношкинэнь крестьянонь-фермерэнь хозяйствась важодсь сюракшов ракшань трямонь ды сюротнень видемань ёнкстнэсэ. Ней жо, весе стакачитнень ды асатыкстнэнь ваннозь, фермерэсь кемекстась вейке ки – важодемс ансяк сюротнень кастомань ёнкссонть.
– Минек хозяйствась аволь пек покш, модатнеде весемезэ 1,5 тёжат гектарт, – корты Валерий Аношкин. – Ней вана сынек мельс, ракшань трямо седе тов а карматано, весе вийтнень макссынек сюротнень кастомантень. Нама, теяк а шожда. Бути саемс те иенть, учоманок аламодо эзть топавтово. Кизэсь псиль, пиземеть арасельть, тень кувалма сюротне икеле иетнень коряс чачсть аволь пек вадрят, урожаенть макссть седе аламо. Товзюростонть седе покш пельксэнть миинек, шужонть жо кадынек видьмексэкс ды явшинек эрицятненень, конатне миненек максыть эсь модаст. Минек эсенек моданок аволь пек ламо, лиятнень сайтяно арендас эсенек Отрадноень ды шабра Кульмина, Пичеуры, Наченалы велетнень эрицятнень кедьстэ. Тень кисэ жо тенст пандтано сюросо. Тедедень сёксня, теле лангс видинек 400 гектарт озимой товзюро, тундонь видемантеньгак весе модатне анокстазь. Прявтось, улезэ вадря иесь, сюроськак сестэ чачи вадря.
Эряви меремс, кадык Аношкинэнь хозяйствась аволь покшкак, ялатеке сон максы важодема таркат кемгавксово ломаннень. Веленть туртов те пек а берянь, эдь важодема таркань коряс велетнесэ неень шкане покш мелявкст. Теке марто те паро КФХ-нть туртовгак, эдь важодицятне тесэ – прявт неже.
– Минек важодицятне весе тевень вечкицят, чарькодицят, пек парсте содасызь, кода ды мезе теема, – ёвтни Валерий Николаевич. – Эряви тешкстамс Валерий Николаевич ШАКИНЭНЬ, сон важоди тракторсо, сюронь урядамо шкастонть ойси комбайнас. Аволь умок, Велень хозяйствань ды перерабатывающей промышленностень важодицянь чинтень, механизаторось казевсь РФ-нь Велень хозяйствань министерствань Почётонь грамотасо. Вадрясто важоди механизаторось Владимир Николаевич ШАКИН. Сонзэ техникась – те К-700 тракторось ды сонензэ ладиця агрегаттнэ. Тунда види паксятнень, кизэнь шкасто оймсеме кадозь модатненень теи культивация, сёксня аноксты озимень видеманть туртов модатнень ды соки тундонтень модатнень. Тешкстаса Владимир Николаевич КАМАЕВЕНЬ. Цёрась важоди комбайнёрокскак, трактористэкскак. Тунда види сюротнень, ламбамо якстерькаенть, мейле важоди сюронь урядамосо ды соки-аноксты модатнень. Эряви ёвтамс Евгений Владимирович ЧАПЛАШКИНЭНЬ. Сон минек сехте од важодицянок. Кемеманок лангозонзо ламо. Ды, эряви меремс, цёрась ёроков, весемес чарькодиця. Сонзэ мельга хозяйствасонть кемекстазь КамАЗ ды трактор. Од цёранть лангсо целанек ашти сюротнень тинге лангсто Велень кепедемань-виевгавтомань фондов усксемась. Тунда види, мейле топавты весе роботанть касовкстнэнь зыянонь кандыця унжатнеде ванстоманть коряс. Сёксня важоди озимтнень видемасо. Телень перть лия тевтнесэ ды аноксты эсь техниканть тундонтень.
Улить минек эштё кавто водителенек. Неть: Сергей Николаевич ФИЛИППОВ ды Владимир Михайлович ГУДОШНИКОВ. Сынь видить, усксить видьмекстнэнь ды мейле комбайна алдо сюронть. Гудошников эштё пачти техникантень уштомапель. Истя жо хозяйствасонть эсь погрузчиксэнзэ важоди Виктор Петрович НАЗИМКИН. Сон топавты весе кепсемань-валгстомань тевтнень.
Эряви меремс, важодемань туртов весе эрявикс техникась хозяйствасонок ули. Зярыя трактортнэ ды комбайнатне эсенек, кой-конатне рамазь лизингень коряс Велень кепедемань-виевгавтомань фондонть кедьстэ.
Зярдо ульнинек хозяйствань мастерскойсэ, вастовинек зярыя механизатортнэнь марто. Ютксост ульнесь Валерий Николаевич Шакингак. Сон ёвтнесь эседензэ ды КФХ-нть важодемадо. Валерий Шакин чачсь-кассь теске, Отрадной велесэ. Ды весе эрямонзо перть важоди велень хозяйствасо.
– Велень хозяйствасо весе раськенек важодсь, можна меремс, Шакинтнэнь цела династия, – ёвтни Валерий Николаевич. – Тетям весе эрямонзо алтызе колхозсо важодемантень, авам свал ульнесь скалонь потявтыцякс, лелян-сазорон тагояк те ёнкссонть. Николай цёрам истя жо кочкизе те кинть. Школадо мейле прядызе Н. П. Огарёв лемсэ МГУ-нь Аграрной институтонть ды кармась важодеме Ковылкинань райононь «Возрождение» велень хозяйствань предприятиясонть. Ды вана уш вете иеть топавты тосо прявт агрономонь тевенть.
Сонсь Валерий Шакин колхозсо, документтнэнь коряс, ушодсь роботамо 1986 иестэ. Ансяк вана алкукс важоди 1979 иестэ саезь. Сестэ эштё овсе цёрыньканть комбайнас эстензэ лездыцякс свал сайнилизе лелязо. Самай сестэ педе-пес тонавтнизеяк те техниканть, кармась чарькодеме эрьва гайтенть, эрьва чикордоманть. Ды мейле уш мездеяк эзь пеле. 35 иетнень перть эрьва кодамо машинасо важодсь. Роботакшнось «Нива», «Дон» комбайнатнесэ, ней нуи «Акрос» комбайнасонть, трактортнэдеяк те шканть перть ульнесть зярыя.
– Техникась – кода ломань, вечки мельганзо парсте якамонть. Сестэ сонгак паросо панды – важоди кувать ды вадрясто, – тешксты Валерий Шакин.
Механизаторось аволь ансяк эсь техниканть мельга вадрясто ваны, сон эсь тевентькак топавты пек парсте. Ды кода тешксты КФХ-нь прявтось В. Н. Аношкин, сынст хозяйствасо важодить ансяк истят ломанть!
Юлия ЕРЕМИНА.
Фототне: Эдуард РЕТУНСКИЙ
Валерий Аношкинэнь эсь тиринь веленть марто сюлмавозь весе эрямозо. Сон зярдояк эзь бажа, кода ламот течи, оргодемс велестэ ошов, мекевлангт, свал снартнесь кепедемс эсь веленть, теемс весементь сонзэ ванстомга. Ды кода корты сонсь цёрась, те лиси ансяк мода лангсо важодезь, велень хозяйствань кирдезь. Секскак КФХ-нь теемадо меленть лангсо арсесь а кувать, сеске кундась тевс. Те ульнесь уш зярыя иеде икеле. Весе неть иетнень перть В. Н. Аношкинэнь крестьянонь-фермерэнь хозяйствась важодсь сюракшов ракшань трямонь ды сюротнень видемань ёнкстнэсэ. Ней жо, весе стакачитнень ды асатыкстнэнь ваннозь, фермерэсь кемекстась вейке ки – важодемс ансяк сюротнень кастомань ёнкссонть.
– Минек хозяйствась аволь пек покш, модатнеде весемезэ 1,5 тёжат гектарт, – корты Валерий Аношкин. – Ней вана сынек мельс, ракшань трямо седе тов а карматано, весе вийтнень макссынек сюротнень кастомантень. Нама, теяк а шожда. Бути саемс те иенть, учоманок аламодо эзть топавтово. Кизэсь псиль, пиземеть арасельть, тень кувалма сюротне икеле иетнень коряс чачсть аволь пек вадрят, урожаенть макссть седе аламо. Товзюростонть седе покш пельксэнть миинек, шужонть жо кадынек видьмексэкс ды явшинек эрицятненень, конатне миненек максыть эсь модаст. Минек эсенек моданок аволь пек ламо, лиятнень сайтяно арендас эсенек Отрадноень ды шабра Кульмина, Пичеуры, Наченалы велетнень эрицятнень кедьстэ. Тень кисэ жо тенст пандтано сюросо. Тедедень сёксня, теле лангс видинек 400 гектарт озимой товзюро, тундонь видемантеньгак весе модатне анокстазь. Прявтось, улезэ вадря иесь, сюроськак сестэ чачи вадря.
Эряви меремс, кадык Аношкинэнь хозяйствась аволь покшкак, ялатеке сон максы важодема таркат кемгавксово ломаннень. Веленть туртов те пек а берянь, эдь важодема таркань коряс велетнесэ неень шкане покш мелявкст. Теке марто те паро КФХ-нть туртовгак, эдь важодицятне тесэ – прявт неже.
– Минек важодицятне весе тевень вечкицят, чарькодицят, пек парсте содасызь, кода ды мезе теема, – ёвтни Валерий Николаевич. – Эряви тешкстамс Валерий Николаевич ШАКИНЭНЬ, сон важоди тракторсо, сюронь урядамо шкастонть ойси комбайнас. Аволь умок, Велень хозяйствань ды перерабатывающей промышленностень важодицянь чинтень, механизаторось казевсь РФ-нь Велень хозяйствань министерствань Почётонь грамотасо. Вадрясто важоди механизаторось Владимир Николаевич ШАКИН. Сонзэ техникась – те К-700 тракторось ды сонензэ ладиця агрегаттнэ. Тунда види паксятнень, кизэнь шкасто оймсеме кадозь модатненень теи культивация, сёксня аноксты озимень видеманть туртов модатнень ды соки тундонтень модатнень. Тешкстаса Владимир Николаевич КАМАЕВЕНЬ. Цёрась важоди комбайнёрокскак, трактористэкскак. Тунда види сюротнень, ламбамо якстерькаенть, мейле важоди сюронь урядамосо ды соки-аноксты модатнень. Эряви ёвтамс Евгений Владимирович ЧАПЛАШКИНЭНЬ. Сон минек сехте од важодицянок. Кемеманок лангозонзо ламо. Ды, эряви меремс, цёрась ёроков, весемес чарькодиця. Сонзэ мельга хозяйствасонть кемекстазь КамАЗ ды трактор. Од цёранть лангсо целанек ашти сюротнень тинге лангсто Велень кепедемань-виевгавтомань фондов усксемась. Тунда види, мейле топавты весе роботанть касовкстнэнь зыянонь кандыця унжатнеде ванстоманть коряс. Сёксня важоди озимтнень видемасо. Телень перть лия тевтнесэ ды аноксты эсь техниканть тундонтень.
Улить минек эштё кавто водителенек. Неть: Сергей Николаевич ФИЛИППОВ ды Владимир Михайлович ГУДОШНИКОВ. Сынь видить, усксить видьмекстнэнь ды мейле комбайна алдо сюронть. Гудошников эштё пачти техникантень уштомапель. Истя жо хозяйствасонть эсь погрузчиксэнзэ важоди Виктор Петрович НАЗИМКИН. Сон топавты весе кепсемань-валгстомань тевтнень.
Эряви меремс, важодемань туртов весе эрявикс техникась хозяйствасонок ули. Зярыя трактортнэ ды комбайнатне эсенек, кой-конатне рамазь лизингень коряс Велень кепедемань-виевгавтомань фондонть кедьстэ.
Зярдо ульнинек хозяйствань мастерскойсэ, вастовинек зярыя механизатортнэнь марто. Ютксост ульнесь Валерий Николаевич Шакингак. Сон ёвтнесь эседензэ ды КФХ-нть важодемадо. Валерий Шакин чачсь-кассь теске, Отрадной велесэ. Ды весе эрямонзо перть важоди велень хозяйствасо.
– Велень хозяйствасо весе раськенек важодсь, можна меремс, Шакинтнэнь цела династия, – ёвтни Валерий Николаевич. – Тетям весе эрямонзо алтызе колхозсо важодемантень, авам свал ульнесь скалонь потявтыцякс, лелян-сазорон тагояк те ёнкссонть. Николай цёрам истя жо кочкизе те кинть. Школадо мейле прядызе Н. П. Огарёв лемсэ МГУ-нь Аграрной институтонть ды кармась важодеме Ковылкинань райононь «Возрождение» велень хозяйствань предприятиясонть. Ды вана уш вете иеть топавты тосо прявт агрономонь тевенть.
Сонсь Валерий Шакин колхозсо, документтнэнь коряс, ушодсь роботамо 1986 иестэ. Ансяк вана алкукс важоди 1979 иестэ саезь. Сестэ эштё овсе цёрыньканть комбайнас эстензэ лездыцякс свал сайнилизе лелязо. Самай сестэ педе-пес тонавтнизеяк те техниканть, кармась чарькодеме эрьва гайтенть, эрьва чикордоманть. Ды мейле уш мездеяк эзь пеле. 35 иетнень перть эрьва кодамо машинасо важодсь. Роботакшнось «Нива», «Дон» комбайнатнесэ, ней нуи «Акрос» комбайнасонть, трактортнэдеяк те шканть перть ульнесть зярыя.
– Техникась – кода ломань, вечки мельганзо парсте якамонть. Сестэ сонгак паросо панды – важоди кувать ды вадрясто, – тешксты Валерий Шакин.
Механизаторось аволь ансяк эсь техниканть мельга вадрясто ваны, сон эсь тевентькак топавты пек парсте. Ды кода тешксты КФХ-нь прявтось В. Н. Аношкин, сынст хозяйствасо важодить ансяк истят ломанть!
Юлия ЕРЕМИНА.
Фототне: Эдуард РЕТУНСКИЙ