Четверг, марта 28, 2024
Важное

«Ремезенское» велень хозяйствань предприятиясь, кона Чаунзань районсо, иестэ иес виевгады. Тесэнь трудий ломантне шкастонзо соксить-виднить, урядыть паксятнень. Теньсэ, нама, покш таликазо хозяйствань прявтонть Александр Борисович Ботайкинэнь. Сон весементь теи, штобу хозяйствасонть важодицятне кодаткак стакачить авольть сода видемань ды сюронь урядамонь шкасто. Ды те удалы.

Тедеде, пек летьке тундонть лангс апак вано, «Ремезенское» велень хозяйствань предприятиясо важодицятне видсть 400 гектарт ламбамо якстерькай, 200 гектарт силосокс кукуруза, 500 гектарт яровойть. Сюротнеде весемезэ 900 гектарт.

Хозяйствань прявт агрономонть А.А.Алексинэнь валонзо коряс, тевтне топавтозь парсте. Шнынзе трактористтнэнь, кить виень апак жаля, оймсема чинь апак сода топавтсть эсь тевест. Ютксост – И.В.Усанов, С.П.Паркин, О.А.Наумкин, шофертнэ В.И.Акимов, В.Е.Потекаев, Н.Г.Арзамаскин.

– Видемань шкасто пек мелезэнь тусь трактористэнть Александр Николаевич Коробковонь важодемазо, – ёвтни прявт агрономось Андрей Александрович. – Видемань чинь норманзо свал топавтнесь велькска. Те эли тона тевенть топавтомсто мельганзо ваномс а эряви. Содазь, сон тейсы парсте.

«Ремезенское» велень хозяйствань предприятиясо А.Н.Коробков важоди хозяйстванть теемань шкастонть саезь. Ремезенскань велень паксятнень сон содасынзе нучк-пачк.

Течияк Александр Николаевич а ашти тевтеме. Неень шкасто сон почоды удобрения касовкстнэнь лангс. Тесэяк А.Н.Коробков чинь норманзо топавтни велькска.

– Мон а вечкан тевенть таргсемс, мельде-валдо важодемс, – видькстась А.Н.Коробков.

Петр ЗИНОВЬЕВ
Чаунзань район
 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».