Неть читнестэ минь пачколинек Чаунзабуень Покш Эрьмезёнкав. Тесэ зярыя иень перть важоди «Ремезёнское» ООО-сь. Сонзэ вети «ООО МАПО и К» ТНВ-нь генеральной директоронь полавтыцясь Александр Борисович БОТАЙКИН. Эрзянь цёрась пингензэ перть важоди мода лангсо.
Кода кармась вишкинестэ лездамо тетянстэнь – мейле эрямонзояк сюлмизе велень хозяйстванть марто. Школанть прядомадо мейле тонавтнесь Н. П. Огарёв лемсэ МГУ-нь Аграрной институтсо «агрономия» специальностенть коряс. Тонавтнесь колхозонть пельде. Тов мейле сась важодемеяк.
Неень шкане хозяйствасонть паксянь видематне малав прядовсть. Кадовсь ансяк кукурузась ды летьке таркинетне.
– Александр Борисович, ёвтнеде «Ремезёнское» ООО-нь тевтнеде. Зяро моданк?
– Моданок 2151 гектар. Виднетяно эрьва мезе, эрьва кодат культурат: озимойть, яровойть... «Ремезёнское» ООО-со важодить 67 ломанть. Малав весе сынь эсенек велень. Неть: трактористт, механикть, комбайнёрт, дояркат, агроном, зоотехник ды ламо лият. Весенень ёвтан сюкпрянь валт.
– Кодамо материальной базанк?
–Машинань-тракторонь парконок вадря. Ули эрьва мезенек. Кецявтыть ACROS 595 Plus комбайнатне. Эрьва ие бажатано рамамс мезеяк од. Истя, тедеде раминек ACROS од комбайна, «Кировец» трактор, гидрофицированной бороновальной сцепка (изамот).
Кода пачтясь А. Б. Ботайкин, сынст ферматнесэ 1068 ракшат (скалт). Ловсонть ускить Саранскоень консервной заводов.
2016 иестэ саезь «Ремезёнское» ООО-со прявт агрономокс важоди Андрей Александрович Алексин. Сон чачсь Чаунзабуень Вишка Маризь велесэ. Прядызе Н. П. Огарёв лемсэ МГУ-нь Аграрной институтонть. Сонзэ васенце тонавтыцякс, превс путыцякс ульнесь А. Б. Ботайкин. Сынь нейгак яла ветить пси кортамот вейсэнь тевтнеде.
– Видема шкасто чинек-венек ульнинек паксясо. Монь вановт ало важодить трактористт, водительть, механикть. Ниле чассто минь уш паксясотано. Тедеде, нама, тундось пек дивавтымизь. Мезть кортамс, эрьва иесь лия, тундотне вейкеть а эрсить.
– Александр Борисович, мезе видиде тедеде?
– Сёксня видинек 502 гектарт озимой товзюро клевер марто, 266 гектарт яровой товзюро люцерна марто, шуж 486 гектарт. Истя жо кснав 76 гектарт, кукуруза 203 гектарт, ламбамо якстерькай 399 гектарт. Видинек веиень (309 га) ды ламо иень тикше (166 га): люцерна, клевер. Моданок парт, чернозём. Тундонь видематнеде мельга почодсынек удобрениясо, изасынек весе. А кенерят варштамо – эряви лисемс скалтнэнь туртов пиже тикшень ледеме. Ве валсо, тевтне зярдояк а прядовкшныть.
Седе тов ардынек паксяв, косо вастынек трактористэнть Олег Анатольевич Наумкинэнь. Сон эрямонзо перть важоди теске, эсензэ велесэ. ДОСААФ-со тонавтнемадо мейле кода озась руль экшс – истя важодияк. Соки ды види паксят, валны сынст удобрениясо-мейсэ.
– Хозяйствасонть свал моли пси важодема. Ансяк прядовить видематне, карматано паксятнень пургсеме-валномо удобрениясо – парсте касовольть, ды гербицидсэ – а нолдамс зыянов тикшенть. Седе тов учи минек тикшень ледемась-пурнамось. Нуема шкасто озан комбайнас. Нама, лекстямс шкаяк арась, эряви куроксто, шкастонзо весементь теемс. Мон уш валске 4 чассто паксясан. Валскестэ саезь чокшнес. Меельце иетнестэ техниканок паро. Комбайнатне одт. Одтнэсэ важодемскак мельспаро! – пачтясь тенек Олег Анатольевич Наумкин.
Покш Эрьмезёнкань предприятиясонть важодить зярыя бухгалтерт. Ули меленек ёвтнемс сындесткак.
Елена Викторовна Осипова – прявт бухгалтер. Чачсь Комсомольский посёлкасо. Школанть прядомадо мейле тонавтнесь Чувашиянь Алатырень велень хозяйствань техникумсо. Тесэ важоди 1985 иестэ саезь. Колхозонть ды предприятиянть лемезэ ды статусозо ламоксть полавтневсь, авась жо эсь таркасо теи содавикс тевензэ. Мартонзо важодить эштё ават. Вейсэ сынь умок уш, коллективесь вадря, кеме. Мезе а мерят – весементь парсте ды шкастонзо тейсызь.
Елена Ивановна Фадеева важоди бухгалтерэкс-кассирэкс 26 иеть. Чачсь Покш Маризь велесэ, Покш Эрьмезёнкав лиссь мирденень ды тесэ эрияк.
Елена Сергеевна Акимова – бухгалтерэнь лездыця, лови зарплататнень. Сон тесэ 1992 иестэ саезь.
Татьяна Ивановна Ботайкина – бухгалтер, кадрань коряс инспектор. Сон тонавтнесь Саранскоень кооперативной институтсо. Важоди 1998 иестэ саезь.
Весе сынь, аватнеяк-цёратнеяк, «Ремезёнское» ООО-нь прявтонть А. Б. Ботайкинэнь кеме нежеть.
Татьяна Маторкина
Фототне: Эдуард РЕТУНСКИЙ
Неень шкане хозяйствасонть паксянь видематне малав прядовсть. Кадовсь ансяк кукурузась ды летьке таркинетне.
– Александр Борисович, ёвтнеде «Ремезёнское» ООО-нь тевтнеде. Зяро моданк?
– Моданок 2151 гектар. Виднетяно эрьва мезе, эрьва кодат культурат: озимойть, яровойть... «Ремезёнское» ООО-со важодить 67 ломанть. Малав весе сынь эсенек велень. Неть: трактористт, механикть, комбайнёрт, дояркат, агроном, зоотехник ды ламо лият. Весенень ёвтан сюкпрянь валт.
– Кодамо материальной базанк?
–Машинань-тракторонь парконок вадря. Ули эрьва мезенек. Кецявтыть ACROS 595 Plus комбайнатне. Эрьва ие бажатано рамамс мезеяк од. Истя, тедеде раминек ACROS од комбайна, «Кировец» трактор, гидрофицированной бороновальной сцепка (изамот).
Кода пачтясь А. Б. Ботайкин, сынст ферматнесэ 1068 ракшат (скалт). Ловсонть ускить Саранскоень консервной заводов.
2016 иестэ саезь «Ремезёнское» ООО-со прявт агрономокс важоди Андрей Александрович Алексин. Сон чачсь Чаунзабуень Вишка Маризь велесэ. Прядызе Н. П. Огарёв лемсэ МГУ-нь Аграрной институтонть. Сонзэ васенце тонавтыцякс, превс путыцякс ульнесь А. Б. Ботайкин. Сынь нейгак яла ветить пси кортамот вейсэнь тевтнеде.
– Видема шкасто чинек-венек ульнинек паксясо. Монь вановт ало важодить трактористт, водительть, механикть. Ниле чассто минь уш паксясотано. Тедеде, нама, тундось пек дивавтымизь. Мезть кортамс, эрьва иесь лия, тундотне вейкеть а эрсить.
– Александр Борисович, мезе видиде тедеде?
– Сёксня видинек 502 гектарт озимой товзюро клевер марто, 266 гектарт яровой товзюро люцерна марто, шуж 486 гектарт. Истя жо кснав 76 гектарт, кукуруза 203 гектарт, ламбамо якстерькай 399 гектарт. Видинек веиень (309 га) ды ламо иень тикше (166 га): люцерна, клевер. Моданок парт, чернозём. Тундонь видематнеде мельга почодсынек удобрениясо, изасынек весе. А кенерят варштамо – эряви лисемс скалтнэнь туртов пиже тикшень ледеме. Ве валсо, тевтне зярдояк а прядовкшныть.
Седе тов ардынек паксяв, косо вастынек трактористэнть Олег Анатольевич Наумкинэнь. Сон эрямонзо перть важоди теске, эсензэ велесэ. ДОСААФ-со тонавтнемадо мейле кода озась руль экшс – истя важодияк. Соки ды види паксят, валны сынст удобрениясо-мейсэ.
– Хозяйствасонть свал моли пси важодема. Ансяк прядовить видематне, карматано паксятнень пургсеме-валномо удобрениясо – парсте касовольть, ды гербицидсэ – а нолдамс зыянов тикшенть. Седе тов учи минек тикшень ледемась-пурнамось. Нуема шкасто озан комбайнас. Нама, лекстямс шкаяк арась, эряви куроксто, шкастонзо весементь теемс. Мон уш валске 4 чассто паксясан. Валскестэ саезь чокшнес. Меельце иетнестэ техниканок паро. Комбайнатне одт. Одтнэсэ важодемскак мельспаро! – пачтясь тенек Олег Анатольевич Наумкин.
Покш Эрьмезёнкань предприятиясонть важодить зярыя бухгалтерт. Ули меленек ёвтнемс сындесткак.
Елена Викторовна Осипова – прявт бухгалтер. Чачсь Комсомольский посёлкасо. Школанть прядомадо мейле тонавтнесь Чувашиянь Алатырень велень хозяйствань техникумсо. Тесэ важоди 1985 иестэ саезь. Колхозонть ды предприятиянть лемезэ ды статусозо ламоксть полавтневсь, авась жо эсь таркасо теи содавикс тевензэ. Мартонзо важодить эштё ават. Вейсэ сынь умок уш, коллективесь вадря, кеме. Мезе а мерят – весементь парсте ды шкастонзо тейсызь.
Елена Ивановна Фадеева важоди бухгалтерэкс-кассирэкс 26 иеть. Чачсь Покш Маризь велесэ, Покш Эрьмезёнкав лиссь мирденень ды тесэ эрияк.
Елена Сергеевна Акимова – бухгалтерэнь лездыця, лови зарплататнень. Сон тесэ 1992 иестэ саезь.
Татьяна Ивановна Ботайкина – бухгалтер, кадрань коряс инспектор. Сон тонавтнесь Саранскоень кооперативной институтсо. Важоди 1998 иестэ саезь.
Весе сынь, аватнеяк-цёратнеяк, «Ремезёнское» ООО-нь прявтонть А. Б. Ботайкинэнь кеме нежеть.
Татьяна Маторкина
Фототне: Эдуард РЕТУНСКИЙ