Вторник, декабря 01, 2020
Важное

Эрьва ие ожоковонь омбоце недлячистэнть минек масторсо тешкстави Велень хозяйствань ды перерабатывающей промышленностень важодицянь чись.

Сонзэ эсь кенярксчикс ловить фермертнэ, агрономтне, пищевой ды перерабатывающей предприятиятнень специалисттнэ ды истя жо сетне, кие ламо иень перть важоди эсь садпиретнесэ. 2020 иестэ Россиясо кенярксчись тешкставсь ожоковонь 11-це чистэ. Минек республикасо жо коень коряс сон тешкстави паксятнестэ весе урожаенть пурнамодо мейле. Эрси те сундерьковсто. Мордовиясь – аграрной регион, секскак те кенярксчись ашти прявтокс ламот предприятиятнесэ ды организациятнесэ важодицятнень туртов. Весе сынь теить покш путовкс республиканть ды целанек масторонть кастомга-виевгавтомга. Истят предприятиятнень ютксо «Тепличное» АО-сь.

Андрей Пулов: «Мелень коряс тевенть
муия теплицасо»

Андрей Иванович Пулов «Тепличное» АО-сонть важоди малав колоньгемень иень перть. Сась ды, кода кортыть, муизе эсь тарканзо. Кода васенце чистэнть, кода тей сась, озавтызь тракторонь руль экшс, течинь чис те тевсэнть, роботы трактористэкс.

Андрей Пулов чачсь-кассь Отяжеле ёнксонь Гаваева эрзянь велесэ. Тосо прядызе ниле иень школанть, мейле жо савсь чийнемс шабра Ламбаськев. Тосо, кавксо класстнэнь прядомадо мейле, эсензэ туртов кемекстызе – седе тов поладсы тонавтнеманзо Козловкань СПТУ-сонть. Те арсеманть топавтызе ды училищасонть получизе «Машинист широкого профиля» специализациянть.

– Училищанть прядомадо мейле зярыя шкань перть роботынь заводсо. Мейле ютыя армиянть ды мекев велявтынь заводов, – ёвтни Андрей Иванович. – 1991 иестэ тевтне масторсонть мольсть а пек вадрясто. Зарплатат ламо косо эзть пандо, ды моненьгак савсь вешнемс лия робота. Ялгам тердимим важодеме эмежень кастома теплицатнес. Сынь тей, озавтымизь тракторс, ды вана уш малав колоньгемень иеть важодян трактористэкс. Монь тевем – эмеж марто контейнертнэнь пачтямс складов. Роботась пек тукшны мелезэнь. Коллективесь минек вадря, чарькодиця, эрьва тевсэ лездыця. Трактортнэ одт, неень шкань. Истямонть экшсэ роботамс арасть кодаткак стакачить, мерят, тарказот весе сонсь теи. Паряк, тень коряскак, важодема таркав эрьва чи сан покш мельсэ.

Юлия Еремина

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».