Велень хозяйствань ды перерабатывающей промышленностень важодицянь кенярксчиденть икеле минь ульнинек Ромодановань муниципальной райононь Пятина велесэ. Тосо вастовинек «ООО МАПО и К» ТНВ-нь велень хозяйствань предприятиянь прявтонть, Мордовия Республикань велень хозяйствань заслуженной важодицянть Николай Всеволодович Ютяев марто.
Ледстясынек, предприятиянтень те иень тунда топодсть комсь иеть. Васень читнестэ саезь сонзэ прявтокс аравтозель Николай Всеволодович. Ламо вийть ды содамочить путсь эрзянь цёрась веленть ванстомга, производстванть келейгавтомга ды тосонь эрицятненень тевень максомга.
Тешкстасынек, течи те предприятиянтень совить ниле отделеният: Пятинань, Вишка Березникень, Кочуновань (Ромодановань район) ды Эрьмезенкань (Чаунзань район). Сынст эйсэ важодить малав колмосядт ломанть. Самай сындест, васняяк, те предприятиясонть важодицятнеде, мольсь кортамо паксясо тевтнень прядомадо мейле.
– Николай Всеволодович, инескеть, ёвтадо, кодамокс ульнесь те иесь, паксясо тевтне прядовсть ды мезе эштё кадовсь топавтомс сюронь-мезень кастыцятненень неть сёксень читнестэ?
– Алкукскак, паксясо тевенек топавтынек шкастонзо. Виде, пертьпельксэсь эзь максо тенек пурнамс сюпав сюро икелень иетнень ладсо: кизна шкастонзо арасельть пиземеть. Тень таркас кенярдовтымизь ламбамо якстерькаесь. Сон кастови 2 тёжат 450 гектартнэнь лангсо, весе сон пурназь ды аравтозь графикень коряс эрьва чистэ 700 тоннат ильтявить «Ромодановосахар» ООО-в. Те иестэ эйстэнзэ таргасть 65 000 тоннат, невтевкстнэ мелень коряс кассть, эрьва гектарсто пурнавсь 350 центнерт (108,3 процентс). Те хозяйствасонть модатнеде весемезэ 12 459 гектарт, юткстонзо соксевицядонть 10 851 гектар.
– Кода ютыть тевенк ракшань трямонь-кастомань коряс?
– Неень шкане минек хозяйстватнесэ сюракшов ракшатнеде лововить 5521, сынст туртов теле лангс анокстазь сатышка кором. Ловсодонть потявттано иезэнзэ 12 тёжат тоннат, эрьва скалсто потявтови 8 тёжат 200 литрат.
– Николай Всеволодович, неень шкане нолдави ламо паро техника, конась пек седе шождалгавты ломаненть важодеманзо. Кода одкстомтови транспортось хозяйствасонк?
– Алкукскак, ней Россиясо ды омбо мастортнэсэ паро техникадонть тееви пек ламо. Минек сюпав машинань-тракторонь парконок. Эрьва иестэ сон одкстомтови. Техниканть раматано кода эсенек ярмаконок лангс, истя лизинговой лувонть тевс нолдазь. Весемезэ улить комсь комбайнанок, кототнень, АКРОС-595 маркань, раминек те иестэ. Истя жо саинек эштё вейке КамАЗ-45143 (весемезэ эйстэст 15), К-424 «Кирюша» трактор. Нурькинестэ, техниканок сатышка, эдь ансяк сонзэ ды важодицятнень вельде, конатне роботыть виень апак вансто, кастови ды саеви сюпав урожай.
– Чарькодеви, кодамо паро техникась аволь уле, ялатеке васень таркасо ашти трудий ломанесь, сонзэ ёндо тиринь моданть, эсь тевенть алкукс вечкемась. Кенярксчиденть икеле ледстинк, инескеть, сехте паро важодицятнень лемест.
– Видеть валонк. Васень таркасо аштить сеть, кить пиже зорясто саезь позда чокшнес видемань ды кастозенть пурнамонь шкасто паксясот, тинге лангсот, кить весементь теить сюпав урожаень пурнамга, покш невтевксэнь саемга. Монень течи стака кинь-бути явомс, эдь малав эрьва ломанесь бажи тевензэ топавтомс алкукс, виень, содамочинь путозь.
Ули мелем ёвтамс сюкпрянь валт весенень, кие эрямонзо сюлмизе велесэ важодемань а шожда тевенть марто. Кие алкукс вечксы чачома тарканзо, кие ошсто ды райцентрасто эрьва чистэ арды минек модатнень мельга якамо, ракшань трямо…
Течи, минек профессиянь кенярксчинть тешкстамодо икеле, ули мелем ледстямс сеть ломантнень лемест, кинь коряс минь аштетяно покш каштанчисэ. Неть шофертнэ: лелят-ялакст Александр ды Владимир Панковтне, тетят-цёрат Юрий Александрович ды Александр Юрьевич Жариновтне, Асым ды Равиль Свидяковтне. Тешкстаса, Асым Закарьевичень ламо иень перть пек вадрят невтевксэнзэ.
Минек пек кенярдовтыть механизатортнэ Юрий Петрович Гурьянов ды Геннадий Алексеевич Краснов, лелят-ялакст Александр ды Алексей Осиповтне.
Ламо иень перть минек хозяйствасонть важоди Полетаевтнень династиясь: Сергей, Алексей, Евгений, Василий, Дмитрий, Юрий ды Виталий важодить механизаторокс, кавто сазорост – Ольга Давыдова ды Любовь Полетаева – дояркакс. Тешкстасынек, те минек ёнксонь ламо эйкакшонь триця семиясонть трявсть-кастовсть кемголмово эйкакшт. Неень шкане сась тенек важодеме Василий Полетаевень Александр цёразо. Кода уш вере тешкстынек, минек ферматнесэ кирдевить 5,5 тёжат сюракшов ракшат.
Течи ули мелем ледстямс истят скалонь потявтыцятнень лемест, кода: Наталья Вячеславовна Юткинань, Нина Ивановна Митрошинань, Ольга Анатольевна Давыдовань, Екатерина Дмитриевна Чёгинань, Наталья Владимировна Панинань, Галина Валерьевна Шитовань, Юлия Викторовна Малыгинань, Вера Николаевна Пуштаевань. Вазтнэнь мельга якицятнень: Елена Потяновань, Светлана Замышляевань ды ламо лиятненьгак, кить важодить минек хозяйствасонть. Фермань прявттнэнь: Алексей Геннадьевич Байдинэнь, Сергей Александрович Мясниковонь, зоотехникенть Людмила Владимировна Качалинань, машинань-тракторонь парксо важодиця механиктнень: Юрий Александрович Качаминэнь, Максим Александрович Коробковонь, Михаил Арсентьевич Сараевень, Александр Александрович Елизаровонь ды ламо лиятнень, кинь покш путовксост минек предприятиянть икелев молемасо. Те сынст виев важодемаст вельде хозяйстванок те иенть ушодовомсто саезь мись продукция малав 600 миллионт целковоень питнес.
– Николай Всеволодович, кодамо средней зарплатаст неень шкане тынк предприятиясонть важодицятнень?
– Кода уш вере тешкстынек, неень шкане минек велень хозяйствань предприятиясонть важодить малав колмосядт ломанть. Эрьвантень зарплатась пандови шкастонзо, средней цифрась истямо – ковозонзо 33 тёжат целковойть. Зарплатань фондонок 100 миллионт целковойть. Нама, кие кода важоди, истямо тензэ зарплата пандовияк. Виде, минек важодицятне стакачиде а пелить, прядови видемась – озыть лия транспортонь руль экшс. Седе тов, бути эряви, урожаень пурнамо шкасто тагояк топавтыть важодемаст. Седейшкава тевест топавтыть Александр Потапов, Александр Букин ды лиятне. Койсэнь, куш кодамо таркасо, бути ломаненть ули мелезэ покшолгавтомс зарплатанзо, сон саи лангозонзо седе ламо тевть, сестэ ярмактнеяк лият кармить.
– Кодат тынк ломантнень туртов важодема таркань условиятне?
– Иестэ иес паролгавттано важодемань условиятнень. Умок уш лембелгавтынек техникань витнемань таркатнень, машинань-тракторонь парксо ули весемесь, штобу эрьвась тевензэ топавтоволь шкасто, маряволь прянзо прок кудосо эли куш малавгавтомс сенень. Неть помещениятне уштовить эрьва чистэ.
– Чарькодеви, веленть вандынь чизэ ашти, васняяк, сеньстэ, зяро важодицянок ютксо улить од ломанть. Кодамо лезкс тенст максови тиринь моданть лангсо эрямост паролгавтомга, семияст покшолгавтомга?
– Покш мельспаросо аштетяно эрьва од специалистэнть минек хозяйствас важодеме самонть коряс. Меельце шкастонть аволь аламо од ломанть кучнинек тонавтнеме эсенек предприятиянть пельде. Невтемакс, од специалистэнь программанть коряс вузсо тонавтнесть агрономокс Максим Николаевич Чиконаков, Алексей Владимирович Ютяев, зоотехникесь Алексей Николаевич Цыплов, механикесь Денис Александрович Цыбизов ды лият. Нать, а стяко минек предприятиясонть улить истят ломанть, кить одсто састь тенек ды те шкас важодить тесэ. Невтемакс, Юрий Александрович Жаринов колоньгемень иеде икеле, армиясо службанзо ютамодо мейле, сась тей ды те шкас топавты вечкевикс тевензэ. Тетянзо лангс ванозь, веленть марто сюлмизе эрямонзо цёразо Александр Жаринов, кие кармась водителекс. Од цёрась эзь туе шожда эрямонь вешнеме ве ёнов, кадовсь теске. Ламо тевсэ важодить тетят-цёрат, лелят-ялакст. Истятнэнь ютксо: Александр ды Алексей Осиповтне, Виктор ды Дмитрий Шкергинтнэ ды ламо лият.
Меельце шкастонть «Од семия» программанть коряс явозь субсидият малав колоньгемень кудонь путомс. Истя жо кемень од семиятненень максозь проценттэме кредит, конань сынь кармить пандомо аламонь-аламонь графикень коряс. Нурькинестэ, минь бажатано поладомс сеть койтнень, конат ульнесть эштё советской шкасто. Ледстяви, кавксоньгеменце иетнестэ тесэ эрицятненень явозельть 100 квартирадо ламо.
– Николай Всеволодович, прядовома лангсо масторонь ды республикань келес яволявтозь Сыре ломанень ковось. Кодамо мель тынь явтадо предприятиясонк икеле важодицятненень, трудонь ветерантнэнень?
– Видькстан, минек велень хозяйствань предприятиясонть вановттомо а кадови вейкеяк ветеран. Нама, икеле минь свал сынст тердтнилинек эстенек, каванилинек, анокстылинек ды невтилинек мельстуиця концерт. Меельце кавто иетне совавтсть покш полавтомат эрямозонок. Койсэнь, неень шкань стака орманть пингстэ видестэ теинек. Сынст шумбрачист ды эрямост ванстомга эрьвантень казненть ускинек видьстэ кудос. Эдь сыретненень мелень явомась – те аволь ансяк ламо иень перть важодемаст кисэ сюкпрянь ёвтамось, те одтнэнень паро примерэнь невтемась, седеймарямонь тевтнень топавтомась.
Велень хозяйствань ды перерабатывающей промышленностень важодицянь кенярксчинть кувалма ёвтан поздоровт весенень, кить эрямост сюлмизь велень хозяйствасо тевтнень витемаст, невтевкстнэнь кастомаст марто. Кадык икелепелевгак сатыть виенк ды шумбрачинк тиринь моданть мельга якамс, вечкевикс веленк ванстомс, седеяк сонзэ сюпалгавтомс ды мазылгавтомс.
Валентина Юдина
Фототне Эдуард Ретунскиень
Тешкстасынек, течи те предприятиянтень совить ниле отделеният: Пятинань, Вишка Березникень, Кочуновань (Ромодановань район) ды Эрьмезенкань (Чаунзань район). Сынст эйсэ важодить малав колмосядт ломанть. Самай сындест, васняяк, те предприятиясонть важодицятнеде, мольсь кортамо паксясо тевтнень прядомадо мейле.
– Николай Всеволодович, инескеть, ёвтадо, кодамокс ульнесь те иесь, паксясо тевтне прядовсть ды мезе эштё кадовсь топавтомс сюронь-мезень кастыцятненень неть сёксень читнестэ?
– Алкукскак, паксясо тевенек топавтынек шкастонзо. Виде, пертьпельксэсь эзь максо тенек пурнамс сюпав сюро икелень иетнень ладсо: кизна шкастонзо арасельть пиземеть. Тень таркас кенярдовтымизь ламбамо якстерькаесь. Сон кастови 2 тёжат 450 гектартнэнь лангсо, весе сон пурназь ды аравтозь графикень коряс эрьва чистэ 700 тоннат ильтявить «Ромодановосахар» ООО-в. Те иестэ эйстэнзэ таргасть 65 000 тоннат, невтевкстнэ мелень коряс кассть, эрьва гектарсто пурнавсь 350 центнерт (108,3 процентс). Те хозяйствасонть модатнеде весемезэ 12 459 гектарт, юткстонзо соксевицядонть 10 851 гектар.
– Кода ютыть тевенк ракшань трямонь-кастомань коряс?
– Неень шкане минек хозяйстватнесэ сюракшов ракшатнеде лововить 5521, сынст туртов теле лангс анокстазь сатышка кором. Ловсодонть потявттано иезэнзэ 12 тёжат тоннат, эрьва скалсто потявтови 8 тёжат 200 литрат.
– Николай Всеволодович, неень шкане нолдави ламо паро техника, конась пек седе шождалгавты ломаненть важодеманзо. Кода одкстомтови транспортось хозяйствасонк?
– Алкукскак, ней Россиясо ды омбо мастортнэсэ паро техникадонть тееви пек ламо. Минек сюпав машинань-тракторонь парконок. Эрьва иестэ сон одкстомтови. Техниканть раматано кода эсенек ярмаконок лангс, истя лизинговой лувонть тевс нолдазь. Весемезэ улить комсь комбайнанок, кототнень, АКРОС-595 маркань, раминек те иестэ. Истя жо саинек эштё вейке КамАЗ-45143 (весемезэ эйстэст 15), К-424 «Кирюша» трактор. Нурькинестэ, техниканок сатышка, эдь ансяк сонзэ ды важодицятнень вельде, конатне роботыть виень апак вансто, кастови ды саеви сюпав урожай.
– Чарькодеви, кодамо паро техникась аволь уле, ялатеке васень таркасо ашти трудий ломанесь, сонзэ ёндо тиринь моданть, эсь тевенть алкукс вечкемась. Кенярксчиденть икеле ледстинк, инескеть, сехте паро важодицятнень лемест.
– Видеть валонк. Васень таркасо аштить сеть, кить пиже зорясто саезь позда чокшнес видемань ды кастозенть пурнамонь шкасто паксясот, тинге лангсот, кить весементь теить сюпав урожаень пурнамга, покш невтевксэнь саемга. Монень течи стака кинь-бути явомс, эдь малав эрьва ломанесь бажи тевензэ топавтомс алкукс, виень, содамочинь путозь.
Ули мелем ёвтамс сюкпрянь валт весенень, кие эрямонзо сюлмизе велесэ важодемань а шожда тевенть марто. Кие алкукс вечксы чачома тарканзо, кие ошсто ды райцентрасто эрьва чистэ арды минек модатнень мельга якамо, ракшань трямо…
Течи, минек профессиянь кенярксчинть тешкстамодо икеле, ули мелем ледстямс сеть ломантнень лемест, кинь коряс минь аштетяно покш каштанчисэ. Неть шофертнэ: лелят-ялакст Александр ды Владимир Панковтне, тетят-цёрат Юрий Александрович ды Александр Юрьевич Жариновтне, Асым ды Равиль Свидяковтне. Тешкстаса, Асым Закарьевичень ламо иень перть пек вадрят невтевксэнзэ.
Минек пек кенярдовтыть механизатортнэ Юрий Петрович Гурьянов ды Геннадий Алексеевич Краснов, лелят-ялакст Александр ды Алексей Осиповтне.
Ламо иень перть минек хозяйствасонть важоди Полетаевтнень династиясь: Сергей, Алексей, Евгений, Василий, Дмитрий, Юрий ды Виталий важодить механизаторокс, кавто сазорост – Ольга Давыдова ды Любовь Полетаева – дояркакс. Тешкстасынек, те минек ёнксонь ламо эйкакшонь триця семиясонть трявсть-кастовсть кемголмово эйкакшт. Неень шкане сась тенек важодеме Василий Полетаевень Александр цёразо. Кода уш вере тешкстынек, минек ферматнесэ кирдевить 5,5 тёжат сюракшов ракшат.
Течи ули мелем ледстямс истят скалонь потявтыцятнень лемест, кода: Наталья Вячеславовна Юткинань, Нина Ивановна Митрошинань, Ольга Анатольевна Давыдовань, Екатерина Дмитриевна Чёгинань, Наталья Владимировна Панинань, Галина Валерьевна Шитовань, Юлия Викторовна Малыгинань, Вера Николаевна Пуштаевань. Вазтнэнь мельга якицятнень: Елена Потяновань, Светлана Замышляевань ды ламо лиятненьгак, кить важодить минек хозяйствасонть. Фермань прявттнэнь: Алексей Геннадьевич Байдинэнь, Сергей Александрович Мясниковонь, зоотехникенть Людмила Владимировна Качалинань, машинань-тракторонь парксо важодиця механиктнень: Юрий Александрович Качаминэнь, Максим Александрович Коробковонь, Михаил Арсентьевич Сараевень, Александр Александрович Елизаровонь ды ламо лиятнень, кинь покш путовксост минек предприятиянть икелев молемасо. Те сынст виев важодемаст вельде хозяйстванок те иенть ушодовомсто саезь мись продукция малав 600 миллионт целковоень питнес.
– Николай Всеволодович, кодамо средней зарплатаст неень шкане тынк предприятиясонть важодицятнень?
– Кода уш вере тешкстынек, неень шкане минек велень хозяйствань предприятиясонть важодить малав колмосядт ломанть. Эрьвантень зарплатась пандови шкастонзо, средней цифрась истямо – ковозонзо 33 тёжат целковойть. Зарплатань фондонок 100 миллионт целковойть. Нама, кие кода важоди, истямо тензэ зарплата пандовияк. Виде, минек важодицятне стакачиде а пелить, прядови видемась – озыть лия транспортонь руль экшс. Седе тов, бути эряви, урожаень пурнамо шкасто тагояк топавтыть важодемаст. Седейшкава тевест топавтыть Александр Потапов, Александр Букин ды лиятне. Койсэнь, куш кодамо таркасо, бути ломаненть ули мелезэ покшолгавтомс зарплатанзо, сон саи лангозонзо седе ламо тевть, сестэ ярмактнеяк лият кармить.
– Кодат тынк ломантнень туртов важодема таркань условиятне?
– Иестэ иес паролгавттано важодемань условиятнень. Умок уш лембелгавтынек техникань витнемань таркатнень, машинань-тракторонь парксо ули весемесь, штобу эрьвась тевензэ топавтоволь шкасто, маряволь прянзо прок кудосо эли куш малавгавтомс сенень. Неть помещениятне уштовить эрьва чистэ.
– Чарькодеви, веленть вандынь чизэ ашти, васняяк, сеньстэ, зяро важодицянок ютксо улить од ломанть. Кодамо лезкс тенст максови тиринь моданть лангсо эрямост паролгавтомга, семияст покшолгавтомга?
– Покш мельспаросо аштетяно эрьва од специалистэнть минек хозяйствас важодеме самонть коряс. Меельце шкастонть аволь аламо од ломанть кучнинек тонавтнеме эсенек предприятиянть пельде. Невтемакс, од специалистэнь программанть коряс вузсо тонавтнесть агрономокс Максим Николаевич Чиконаков, Алексей Владимирович Ютяев, зоотехникесь Алексей Николаевич Цыплов, механикесь Денис Александрович Цыбизов ды лият. Нать, а стяко минек предприятиясонть улить истят ломанть, кить одсто састь тенек ды те шкас важодить тесэ. Невтемакс, Юрий Александрович Жаринов колоньгемень иеде икеле, армиясо службанзо ютамодо мейле, сась тей ды те шкас топавты вечкевикс тевензэ. Тетянзо лангс ванозь, веленть марто сюлмизе эрямонзо цёразо Александр Жаринов, кие кармась водителекс. Од цёрась эзь туе шожда эрямонь вешнеме ве ёнов, кадовсь теске. Ламо тевсэ важодить тетят-цёрат, лелят-ялакст. Истятнэнь ютксо: Александр ды Алексей Осиповтне, Виктор ды Дмитрий Шкергинтнэ ды ламо лият.
Меельце шкастонть «Од семия» программанть коряс явозь субсидият малав колоньгемень кудонь путомс. Истя жо кемень од семиятненень максозь проценттэме кредит, конань сынь кармить пандомо аламонь-аламонь графикень коряс. Нурькинестэ, минь бажатано поладомс сеть койтнень, конат ульнесть эштё советской шкасто. Ледстяви, кавксоньгеменце иетнестэ тесэ эрицятненень явозельть 100 квартирадо ламо.
– Николай Всеволодович, прядовома лангсо масторонь ды республикань келес яволявтозь Сыре ломанень ковось. Кодамо мель тынь явтадо предприятиясонк икеле важодицятненень, трудонь ветерантнэнень?
– Видькстан, минек велень хозяйствань предприятиясонть вановттомо а кадови вейкеяк ветеран. Нама, икеле минь свал сынст тердтнилинек эстенек, каванилинек, анокстылинек ды невтилинек мельстуиця концерт. Меельце кавто иетне совавтсть покш полавтомат эрямозонок. Койсэнь, неень шкань стака орманть пингстэ видестэ теинек. Сынст шумбрачист ды эрямост ванстомга эрьвантень казненть ускинек видьстэ кудос. Эдь сыретненень мелень явомась – те аволь ансяк ламо иень перть важодемаст кисэ сюкпрянь ёвтамось, те одтнэнень паро примерэнь невтемась, седеймарямонь тевтнень топавтомась.
Велень хозяйствань ды перерабатывающей промышленностень важодицянь кенярксчинть кувалма ёвтан поздоровт весенень, кить эрямост сюлмизь велень хозяйствасо тевтнень витемаст, невтевкстнэнь кастомаст марто. Кадык икелепелевгак сатыть виенк ды шумбрачинк тиринь моданть мельга якамс, вечкевикс веленк ванстомс, седеяк сонзэ сюпалгавтомс ды мазылгавтомс.
Валентина Юдина
Фототне Эдуард Ретунскиень