«Агрофирма «Искра» ОАО-сь – Отяжелень райононь велень хозяйствань прявт предприятиятнестэ вейкесь. Важоди сон покш Манадыши велесэ. Прявтонь тевенть тесэ вана уш ламо иень перть топавты эсь тевень парсте содыця, превей, видечинть кисэ аштиця ломанесь – Павел Степанович Шилов.
Сон весементь теи велень эрицятнень ды тесэнь хозяйстванть лезэс. Эряви меремс, велень эрицятнеяк тевень вечкицят – малав эрьва кудосо трить-кастыть ракшат, теке марто агрофирмасонтькак важодить весе виень путозь. Велесэнть жо истямо ваньксчи, кодамо ошсояк аволь свал вастат. кода тешкстыть сынсь эрицятне, тень мельга пштистэ ваны аволь ансяк велень администрациясь, агрофирмасо важодицятнеяк.
Течинь чине «Агрофирма «Искра» предприятиясонть важодить сядодо ламо ломанть. Неть читнестэ хозяйствасонть прядовсть тундонь видемань тевтне. Сюротнеде тесэ весемезэ видсть 8 тёжат гектарт. Пелезэ тень эйстэ – шуж, пелезэ – товзюро.
Механизаторось Анатолий Иванович Миронов агрофирмасонть важоди малав весе эрямонзо перть, 1985 иестэ саезь.
– Мон чачинь-касынь Отяжелень райононь Таразбуе велесэ, – ёвтни Анатолий Иванович. – Школам прядыя ды сеске карминь важодеме колхозсо комбайнёрокс. Школасо тонавтнемстэяк уш эрьва кодамо тевсэ котьмилинь. Кизэнь шкасто яла свал сюронь урядамосо важодилинь, ульнинь комбайнёронь лездыцякс.
Мейле Анатолий Миронов служась армиясо. Тосто велявтсь мекев тиринь велев. Зярыя шкань перть важодсь эсест колхозсо, мейле сюронь урядамо шкасто понгсь «Искра» агрофирмав.
– Содавикс ломань пельде маринь, Покш Манадыши велень хозяйствантень эрявить важодицят. Мон сынь, – ёвтни Анатолий Миронов. – Сынь ды теске кадовиньгак. Сестэ уш ульнесь семиям, эрямо таркань коряс жо ульнесть мелявксон. Тесэ жо прявтось Павел Степанович Шилов алтась максомс кудо, бути кадован важодеме механизаторокс. Ды эсь валонзо кирдизе. Макссь аволь ансяк кудо, лездаськак пек ламо тевсэ. Тень кисэ тензэ покш сюкпря!
Эряви меремс, те коесь агрофирмасонть ванстовсь нейгак. Тезэ важодеме сыця од специалисттнэнень, кинь арасть эрямо таркаст, максовить кудот.
А.И. Миронов важоди тракторсо. Тевензэ улить куш кодамо шкасто. Тунда котьми видемань тевтнесэ, кизэнь перть анокстыть тикше, мейле ушодови велень хозяйствань предприятиятнень ды механизатортнэнь туртов сехте пси шкась – сюронь урядамось. Трактористэсь таго тевсэ. Телень перть жо лезды фермасо важодицятненень ды витни-петни техниканть.
– Тракторонь паркось минек хозяйствасо аволь берянь, – ёвтни Анатолий Иванович. – Пек умонь техниканок ней уш арась, сон свал одкстомтови. Рамавить од тракторт ды комбайнат, сынст туртов весе эрявиксэсь. Нейгак вана предприятиясь рамась неень шкань од комбайна. Сюронть урядамсто карми вадря лездыцякс. Од ды вадря техникасонть важодемаськак шожда ды мелень коряс.
Мон эсь тевем пек вечкса. Лиясто оймсема чистэ кудосо цяк тень сы, седе курок бу лисемс роботамо. Тесэ чись юты кода-бути а марявиксстэ. Чоп ломань ютксат, топавтат эсь тевенть. Ней вана пачколить пенсияв лисема иетне. Ансяк кудосо аштемс мелем овсе арась. Карман важодеме седе товгак. Мон эдь школань эземстэ саезь весе эрямон перть важодян велесэ, мода лангсо. Те монь весе эрямом.
Видемань шкастояк, сюронь урядамстояк «Агрофирма «Искра» велень хозяйствань предприятиянтень пек лезды сюронь видьмекстнэнь ванстомань ды костямонь од заводось-элеваторось. Объектэсь вете этажсо кудодо сэрей ды пештязь сон омбо масторонь электронной оборудованиядо. Видьмекстнэнь нолдамось тесэ ветяви башка лувонь коряс. Заводонть ве ёно сюрось каяви, мейле сортировави, човоряви эрявикс минералтнэнь марто ды элеваторонь лия песэнть анок видьмекстнэ пештявить кескавс.
Важоди велень хозяйствань предприятиянть юрсо ловсосто од продукциянь теиця цехкак. Кода ёвтнесь «Агрофирма «Искра» ОАО-нь оень ды сырань теемань цехень прявтось Наталья Борисовна Сульдина, ловсосто тантей продукциянть тесэ нолдыть уш 20 ламо иень перть.
– Минек цехсэнть анокстави ансяк вадря продукция. Тевс а нолдавить кодаткак човорявкст, – тешксты Наталья Борисовна. – Ансяк потявтозь ловсось эсенек фермасто трубатнева юты видьстэ цехс, косо теевить скалоесь, топось, вельксэсь, йогуртось ды режнезь ловсось. Минек продукциясь юты эсенек райононь ды Саранск ошонь эйдень кужотнес, миеви Отяжелень лавкатнесэяк.
Чизэнзэ цехсэнть нолдыть малав 5 тоннат продукция. Важодить весе пельдест вешематнень топавтозь. Кода уш ёвтынек, весе ловсось эсензэ хозяйствастонть. Тесэ кирдевить 1200 сюракшов ракшат, эйстэст 500-тне – скалт.
– Эсь продукциянть теемстэ башка мель явтано вадрячинтень, – корты Наталья Сульдина. – Тень пельденек веши минек прявтось Павел Степанович Шилов. Секскак ГОСТ-нь весе вешематне, технологиянь ёнкстнэ топавтовить. Весемесь тееви ванькс ловсосто. Йогурттнэс каявить ягодань джемть ды сахар, аволь сынст полавтыця консерванттнэ.
Весемезэ цехсэнть важодить вейксэ ломанть: 4 важодицят, 2 микробиологт, 2 операторт ды цехень прявт. Малав весе сынь тесэ цехенть панжомастонзо саезь.
Наталья Сульдина сонськак технолог. Прядызе Торбеевань сывелень ды ловсонь промышленностень техникумонть. Роботакшнось шабра Чувашиянь Алатырень оень теемань заводсо, Отяжелень оень теемань комбинатсо, ней вана уш зярыя иеть тесэ – «Искра» агрофирмасонть.
– Минек пек вадря, тевень чарькодиця ды дока прявтонок, – тешксты Наталья Борисовна. – Павел Степанович алкукс мелявты эсь веленть, эрицятнень, предприятиянть кисэ. Сон тесэ весе эрямонзо перть ды пек парсте содасынзе тевтнень-мелявкстнэнь. Минь тензэ ёвтатано покш сюкпря. Кие соды, кодамо эрямось улевель велесэнек, бути аволь сон? Самай истятнэнь лангсо весемесь кирдевияк.
Юлия Еремина
Фототне Эдуард Ретунскиень
Течинь чине «Агрофирма «Искра» предприятиясонть важодить сядодо ламо ломанть. Неть читнестэ хозяйствасонть прядовсть тундонь видемань тевтне. Сюротнеде тесэ весемезэ видсть 8 тёжат гектарт. Пелезэ тень эйстэ – шуж, пелезэ – товзюро.
Механизаторось Анатолий Иванович Миронов агрофирмасонть важоди малав весе эрямонзо перть, 1985 иестэ саезь.
– Мон чачинь-касынь Отяжелень райононь Таразбуе велесэ, – ёвтни Анатолий Иванович. – Школам прядыя ды сеске карминь важодеме колхозсо комбайнёрокс. Школасо тонавтнемстэяк уш эрьва кодамо тевсэ котьмилинь. Кизэнь шкасто яла свал сюронь урядамосо важодилинь, ульнинь комбайнёронь лездыцякс.
Мейле Анатолий Миронов служась армиясо. Тосто велявтсь мекев тиринь велев. Зярыя шкань перть важодсь эсест колхозсо, мейле сюронь урядамо шкасто понгсь «Искра» агрофирмав.
– Содавикс ломань пельде маринь, Покш Манадыши велень хозяйствантень эрявить важодицят. Мон сынь, – ёвтни Анатолий Миронов. – Сынь ды теске кадовиньгак. Сестэ уш ульнесь семиям, эрямо таркань коряс жо ульнесть мелявксон. Тесэ жо прявтось Павел Степанович Шилов алтась максомс кудо, бути кадован важодеме механизаторокс. Ды эсь валонзо кирдизе. Макссь аволь ансяк кудо, лездаськак пек ламо тевсэ. Тень кисэ тензэ покш сюкпря!
Эряви меремс, те коесь агрофирмасонть ванстовсь нейгак. Тезэ важодеме сыця од специалисттнэнень, кинь арасть эрямо таркаст, максовить кудот.
А.И. Миронов важоди тракторсо. Тевензэ улить куш кодамо шкасто. Тунда котьми видемань тевтнесэ, кизэнь перть анокстыть тикше, мейле ушодови велень хозяйствань предприятиятнень ды механизатортнэнь туртов сехте пси шкась – сюронь урядамось. Трактористэсь таго тевсэ. Телень перть жо лезды фермасо важодицятненень ды витни-петни техниканть.
– Тракторонь паркось минек хозяйствасо аволь берянь, – ёвтни Анатолий Иванович. – Пек умонь техниканок ней уш арась, сон свал одкстомтови. Рамавить од тракторт ды комбайнат, сынст туртов весе эрявиксэсь. Нейгак вана предприятиясь рамась неень шкань од комбайна. Сюронть урядамсто карми вадря лездыцякс. Од ды вадря техникасонть важодемаськак шожда ды мелень коряс.
Мон эсь тевем пек вечкса. Лиясто оймсема чистэ кудосо цяк тень сы, седе курок бу лисемс роботамо. Тесэ чись юты кода-бути а марявиксстэ. Чоп ломань ютксат, топавтат эсь тевенть. Ней вана пачколить пенсияв лисема иетне. Ансяк кудосо аштемс мелем овсе арась. Карман важодеме седе товгак. Мон эдь школань эземстэ саезь весе эрямон перть важодян велесэ, мода лангсо. Те монь весе эрямом.
Видемань шкастояк, сюронь урядамстояк «Агрофирма «Искра» велень хозяйствань предприятиянтень пек лезды сюронь видьмекстнэнь ванстомань ды костямонь од заводось-элеваторось. Объектэсь вете этажсо кудодо сэрей ды пештязь сон омбо масторонь электронной оборудованиядо. Видьмекстнэнь нолдамось тесэ ветяви башка лувонь коряс. Заводонть ве ёно сюрось каяви, мейле сортировави, човоряви эрявикс минералтнэнь марто ды элеваторонь лия песэнть анок видьмекстнэ пештявить кескавс.
Важоди велень хозяйствань предприятиянть юрсо ловсосто од продукциянь теиця цехкак. Кода ёвтнесь «Агрофирма «Искра» ОАО-нь оень ды сырань теемань цехень прявтось Наталья Борисовна Сульдина, ловсосто тантей продукциянть тесэ нолдыть уш 20 ламо иень перть.
– Минек цехсэнть анокстави ансяк вадря продукция. Тевс а нолдавить кодаткак човорявкст, – тешксты Наталья Борисовна. – Ансяк потявтозь ловсось эсенек фермасто трубатнева юты видьстэ цехс, косо теевить скалоесь, топось, вельксэсь, йогуртось ды режнезь ловсось. Минек продукциясь юты эсенек райононь ды Саранск ошонь эйдень кужотнес, миеви Отяжелень лавкатнесэяк.
Чизэнзэ цехсэнть нолдыть малав 5 тоннат продукция. Важодить весе пельдест вешематнень топавтозь. Кода уш ёвтынек, весе ловсось эсензэ хозяйствастонть. Тесэ кирдевить 1200 сюракшов ракшат, эйстэст 500-тне – скалт.
– Эсь продукциянть теемстэ башка мель явтано вадрячинтень, – корты Наталья Сульдина. – Тень пельденек веши минек прявтось Павел Степанович Шилов. Секскак ГОСТ-нь весе вешематне, технологиянь ёнкстнэ топавтовить. Весемесь тееви ванькс ловсосто. Йогурттнэс каявить ягодань джемть ды сахар, аволь сынст полавтыця консерванттнэ.
Весемезэ цехсэнть важодить вейксэ ломанть: 4 важодицят, 2 микробиологт, 2 операторт ды цехень прявт. Малав весе сынь тесэ цехенть панжомастонзо саезь.
Наталья Сульдина сонськак технолог. Прядызе Торбеевань сывелень ды ловсонь промышленностень техникумонть. Роботакшнось шабра Чувашиянь Алатырень оень теемань заводсо, Отяжелень оень теемань комбинатсо, ней вана уш зярыя иеть тесэ – «Искра» агрофирмасонть.
– Минек пек вадря, тевень чарькодиця ды дока прявтонок, – тешксты Наталья Борисовна. – Павел Степанович алкукс мелявты эсь веленть, эрицятнень, предприятиянть кисэ. Сон тесэ весе эрямонзо перть ды пек парсте содасынзе тевтнень-мелявкстнэнь. Минь тензэ ёвтатано покш сюкпря. Кие соды, кодамо эрямось улевель велесэнек, бути аволь сон? Самай истятнэнь лангсо весемесь кирдевияк.
Юлия Еремина
Фототне Эдуард Ретунскиень